മസ്കത്ത്: ഒമാനില് പെട്ടെന്നുണ്ടാകുന്ന വെള്ളപ്പൊക്കങ്ങള് സംബന്ധിച്ച് മുന്നറിയിപ്പ് നല്കുന്നതിനുള്ള സംവിധാനം സ്ഥാപിക്കാന് ഒരുങ്ങുന്നു. മൂന്നുമുതല് ആറുമണിക്കൂര് മുമ്പുവരെ വെള്ളപ്പൊക്കം പ്രവചിക്കാന് കഴിയും.
അടുത്ത ഒരു വര്ഷത്തിനുള്ളില് ഈ സംവിധാനം പ്രവര്ത്തന സജ്ജമാക്കാന് കഴിയുമെന്നാണ് പ്രതീക്ഷയെന്ന് റീജനല് മുനിസിപ്പാലിറ്റീസ് ആന്ഡ് വാട്ടര് റിസോഴ്സസ് മന്ത്രാലയത്തിലെ വിദഗ്ധനായ അഹ്മദ് അല് ബര്വാനി അറിയിച്ചു.
കാലിഫോര്ണിയ ആസ്ഥാനമായ കണ്സള്ട്ടന്സിക്ക് ഇതിന്െറ പ്രാഥമിക നടപടികള്ക്കുള്ള കരാര് നല്കിയിട്ടുണ്ടെന്നും മസ്കത്തില് രണ്ടാമത് ഡ്രെയ്നേജ് റീഹാബിലിറ്റേഷന് ആന്ഡ് വേസ്റ്റ്വാട്ടര് മാനേജ്മെന്റ് കോണ്ഫറന്സില് പ്രബന്ധം അവതരിപ്പിക്കവേ അദ്ദേഹം പറഞ്ഞു.
നേരത്തേ മസ്കത്ത് നഗരസഭ ചെയര്മാന് മുഹ്സിന് മുഹമ്മദ് അല് ശൈഖ് കോണ്ഫറന്സ് ഉദ്ഘാടനം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.