ലോകകപ്പ്​: ഒരുമിച്ച് കണ്ടാഘോഷിച്ച് ഫുട്ബാൾ പ്രേമികൾ

കു​വൈ​ത്ത് സി​റ്റി: ഖ​ത്ത​ർ ലോ​ക​ക​പ്പി​ന്​ ആ​വേ​ശ​മൊ​രു​ക്കി കു​വൈ​ത്തി​ൽ ഫു​ട്ബാ​ൾ​പ്രേ​മി​ക​ൾ. ഒ​രു​മി​ച്ചി​രു​ന്ന് ക​ളി ആ​സ്വ​ദി​ച്ചാ​ണ് പ​ല​രും ലോ​ക​ക​പ്പി​നെ വ​ര​വേ​റ്റ​ത്. കു​വൈ​ത്തി​ക​ൾ​ക്കും മ​ല​യാ​ളി​ക​ൾ​ക്കും ഇ​ട​യി​ലെ ഇ​പ്പോ​ഴ​ത്തെ പ്ര​ധാ​ന ച​ർ​ച്ച ഫു​ട്​​ബാ​ളാ​ണ്. ഇ​ക്കാ​ര്യ​ത്തി​ൽ മ​ല​യാ​ളി​ക​ൾ ഏ​റെ മു​ന്നി​ലു​മാ​ണ്. മ​ല​യാ​ളി​ക​ൾ​ക്കി​ട​യി​ൽ ഈ ​മാ​സം തു​ട​ക്കം​മു​ത​ലേ സ​മൂ​ഹ​മാ​ധ്യ​മ​ങ്ങ​ളി​ലും നാ​ലു പേ​ർ കൂ​ടു​ന്നി​ട​ത്തു​മെ​ല്ലാം ച​ർ​ച്ച ലോ​ക​ക​പ്പു​ത​ന്നെ​യാ​ണ്.

വാ​ട്സ്ആ​പ് ഗ്രൂ​പ്പു​ക​ളി​ൽ ഫാ​ൻ​സു​ക​ൾ ത​മ്മി​ലു​ള്ള ഏ​റ്റു​മു​ട്ട​ലു​ക​ളും വാ​ദ​പ്ര​തി​വാ​ദ​ങ്ങ​ളും ശ​ക്ത​മാ​ണ്. പ്ര​വാ​സി​ക​ളു​ടെ മു​റി​ക​ളി​ലും ​ജോ​ലി​സ്ഥ​ല​ങ്ങ​ളി​ലും എ​ല്ലാ​വ​ർ​ക്കും പ​റ​യാ​നു​ള്ള​ത് ഫു​ട്ബാ​ൾ​ത​ന്നെ. വാ​ട്സ്ആ​പ് ഗ്രൂ​പ്പു​ക​ളി​ലും താ​മ​സ-​ജോ​ലി​സ്ഥ​ല​ങ്ങ​ളി​ലും ബ്ര​സീ​ലു​കാ​ര​നും അ​ർ​ജ​ന്‍റീ​ന ഫാ​ൻ​സും പോ​ർ​ചു​ഗ​ൽ ആ​രാ​ധ​ക​രു​മെ​ല്ലാം ശ​ക്ത​മാ​യ 'പോ​രാ​ട്ട​ത്തി​ലാ​ണ്'.

മെ​സ്സി​യും ക്രി​സ്റ്റ്യാ​നോ​യും നെ​യ്മ​റു​മാ​ണ്​ പ്ര​ധാ​ന ച​ർ​ച്ചാ വി​ഷ​യം. ഓ​രോ ടീ​മി​ന്റെ​യും ഫാ​ൻ​സു​കാ​ർ പ്ര​ത്യേ​ക ഗ്രൂ​പ്പു​ക​ൾ നി​ർ​മി​ച്ച് അ​വ​ലോ​ക​ന​വും ച​ർ​ച്ച​യും ആ​രം​ഭി​ച്ചി​ട്ടു​മു​ണ്ട്. പ്രി​യ ടീ​മി​ന്റെ ജ​ഴ്സി​യും പ​താ​ക​യും സ്വ​ന്ത​മാ​ക്കി​യും അ​ണി​ഞ്ഞും ഇ​ഷ്ടം പ്ര​ക​ടി​പ്പി​ക്കു​ന്ന​വ​രു​മു​ണ്ട്.

ടി.​വി ഇ​ല്ലാ​ത്ത മു​റി​ക​ളി​ൽ പ​ല​തി​ലും ലോ​ക​ക​പ്പി​ന്റെ പ​ശ്ചാ​ത്ത​ല​ത്തി​ൽ ടെ​ലി​വി​ഷ​ൻ എ​ത്തി​യി​ട്ടു​ണ്ട്. വ​ൻ തു​ക മു​ട​ക്കി ചാ​ന​ലു​ക​ൾ സ​ബ്​​സ്​​ക്രൈ​ബ്​ ചെ​യ്താ​ണ്​ പ​ല​രും ലോ​ക​ക​പ്പ്​ കാ​ണു​ന്ന​ത്. മൊ​ബൈ​ലി​ൽ ക​ളി കാ​ണു​ന്ന​വ​രും ചു​രു​ക്ക​മ​ല്ല. അ​തേ​സ​മ​യം, ഒ​രു​മി​ച്ച്​ ചേ​ർ​ന്നി​രു​ന്ന്​ ക​ളി കാ​ണാ​നു​ള്ള ത​യാ​റെ​ടു​പ്പി​ലാ​ണ് പ​ല​രും. സം​ഘ​മാ​യി​രു​ന്ന് ക​ളി​കാ​ണു​മ്പോ​ഴു​ള്ള ആ​വേ​ശം വേ​റെ​ത​ന്നെ​യാ​ണെ​ന്ന് പ​ല​രും ചൂ​ണ്ടി​ക്കാ​ട്ടു​ന്നു. ഫ​ർ​വാ​നി​യ​യി​ലെ ഐ​ഡി​യ​ൽ ഓ​ഡി​റ്റോ​റി​യ​ത്തി​ൽ പ്ര​വാ​സി വെ​ൽ​ഫെ​യ​ർ കു​വൈ​ത്ത് സം​ഘ​ടി​പ്പി​ച്ച സോ​ക്ക​ർ തി​യ​റ്റ​റി​ൽ ക​ളി​കാ​ണു​ന്ന​തി​നു​ള്ള വി​പു​ല സൗ​ക​ര്യ​മാ​ണ് ഒ​രു​ക്കി​യ​ത്. നി​ര​വ​ധി പേ​രാ​ണ് ഇ​വി​ടെ ക​ളി​കാ​ണാ​നെ​ത്തി​യ​ത്.