കു​വൈ​ത്ത് സി​റ്റി: മു​ൻ ഇ​ന്ത്യ​ൻ പ്ര​ധാ​ന​മ​ന്ത്രി രാ​ജീ​വ് ഗാ​ന്ധി​യു​ടെ പേ​രി​ൽ ഒ.​ഐ.​സി.​സി കു​വൈ​ത്ത് ന​ൽ​കു​ന്ന മി​ക​ച്ച പൊ​തു​പ്ര​വ​ർ​ത്ത​ക​നു​ള്ള ‘പ്ര​ഥ​മ രാ​ജീ​വ് ഗാ​ന്ധി പു​ര​സ്‌​കാ​രം’​കെ.​സി.​വേ​ണു​ഗോ​പാ​ൽ എം.​പി​ക്ക് ആ​ഗ​സ്റ്റ് 22ന് ​കൈ​മാ​റും. പ​രി​പാ​ടി​യി​ൽ പാ​ണ​ക്കാ​ട് സാ​ദി​ഖ് അ​ലി ശി​ഹാ​ബ് ത​ങ്ങ​ൾ പു​ര​സ്‌​കാ​രം വി​ത​ര​ണം ചെ​യ്യും.

മു​ൻ മ​ന്ത്രി​യും കെ.​പി.​സി.​സി വ​ർ​ക്കിം​ഗ് പ്ര​സി​ഡ​ന്റു​മാ​യ എ.​പി. അ​നി​ൽ കു​മാ​ർ, കെ.​പി.​സി.​സി ജ​ന​റ​ൽ സെ​ക്ര​ട്ട​റി​യും കു​വൈ​ത്തി​ന്റെ ചു​മ​ത​ല​യു​മു​ള്ള അ​ഡ്വ.​അ​ബ്ദു​ൽ മു​ത്ത​ലി​ബ്, മ​റി​യ ഉ​മ്മ​ൻ ചാ​ണ്ടി എ​ന്നി​വ​ർ ച​ട​ങ്ങി​ൽ പ​ങ്കെ​ടു​ക്കു​മെ​ന്ന് ഭാ​ര​വാ​ഹി​ക​ൾ വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു. കേ​ര​ള​ത്തി​ലെ പ്ര​മു​ഖ ക​ലാ​കാ​ര​ൻ​മാ​ർ പ​ങ്കെ​ടു​ക്കു​ന്ന സം​ഗീ​ത സ​ന്ധ്യ​യും ഉ​ണ്ടാ​കും.

വ​യ​നാ​ട് പു​ന​ര​ധി​വാ​സം: ഒ.​ഐ.​സി.​സി വീ​ട് ന​ൽ​കും

വ​യ​നാ​ട് പു​ന​ര​ധി​വാ​സ പ​ദ്ധ​തി​യു​ടെ ഭാ​ഗ​മാ​യി പ്രി​യ​ങ്ക ഗാ​ന്ധി എം.​പി​യു​ടെ നേ​തൃ​ത്വ​ത്തി​ൽ 100 ഭ​വ​നം നി​ർ​മി​ച്ചു​കൊ​ടു​ക്കു​ന്ന പ​ദ്ധ​തി​യി​ലേ​ക്ക് ഒ.​ഐ.​സി.​സി കു​വൈ​ത്ത് ന​ൽ​കു​ന്ന ആ​ദ്യ ഭ​വ​ന​ത്തി​നു​ള്ള ‘വേ​ണു പൂ​ർ​ണി​മ’​സ​ഹാ​യ പ​ദ്ധ​തി ച​ട​ങ്ങി​ൽ കൈ​മാ​റും. മു​ൻ മ​ന്ത്രി​യും കെ.​പി.​സി.​സി വ​ർ​ക്കിം​ങ് പ്ര​സി​ഡ​ന്റു​മാ​യ എ.​പി.​അ​നി​ൽ​കു​മാ​ർ തു​ക ഏ​റ്റു​വാ​ങ്ങും. പൂ​ർ​ണ​മാ​യും പ്ര​വ​ർ​ത്ത​ക​രി​ൽ നി​ന്നു​ള്ള സം​ഭാ​വ​ന ഉ​പ​യോ​ഗി​ച്ചാ​ണ് വീ​ട് നി​ർ​മി​ക്കു​ന്ന​തെ​ന്ന് ഒ.​ഐ.​സി.​സി വ്യ​ക്ത​മാ​ക്കി.

പു​ന​ഃസം​ഘ​ട​ന ഉ​ട​ൻ

ഒ.​ഐ.​സി.​സി കു​വൈ​ത്ത് പു​ന​സം​ഘ​ട​ന ഉ​ട​ൻ ന​ട​ക്കു​മെ​ന്ന് പ്ര​സി​ഡ​ന്റ് വ​ർ​ഗീ​സ് പു​തു​കു​ള​ങ്ങ​ര പ​റ​ഞ്ഞു. സം​ഘ​ട​ന​യി​ൽ അ​ഭി​പ്രാ​യ വ്യ​ത്യാ​സ​മി​ല്ല. ആ​ഗ​സ​്റ്റി​ൽ തെ​ര​ഞ്ഞെ​ടു​പ്പ് ന​ട​ത്തി പു​തി​യ​ഭാ​ര​വാ​ഹി​ക​ൾ ചു​മ​ത​ല ഏ​ൽ​ക്കു​മെ​ന്നും അ​ദ്ദേ​ഹം സൂ​ചി​പ്പി​ച്ചു. ഒ.​ഐ.​സി.​സി ഭാ​ര​വാ​ഹി​ക​ളാ​യ വ​ർ​ഗീ​സ് ജോ​സ​ഫ് മാ​രാ​മ​ൻ, ജോ​യ് ജോ​ൺ തു​രു​ത്തി​ക​ര, സു​രേ​ഷ് മാ​ത്തൂ​ർ, പ​ബ്ലി​സി​റ്റി ക​ൺ​വീ​ന​ർ എം.​എ. നി​സ്സാം എ​ന്നി​വ​രും വാ​ർ​ത്ത​സ​മ്മേ​ള​ന​ത്തി​ൽ പ​ങ്കെ​ടു​ത്തു.