കുവൈത്ത് സിറ്റി: മഹ്ബൂല പ്രദേശത്തെ റെസിഡൻഷ്യൽ ടവറുകൾ ലക്ഷ്യമിടുന്നതുമായി ബന്ധപ്പെട്ട് തെറ്റായ അവകാശവാദങ്ങൾ അടങ്ങിയ വീഡിയോ ക്ലിപ്പ് സോഷ്യൽ മീഡിയയിൽ പോസ്റ്റ് ചെയ്തയാളെ സുരക്ഷാ അധികാരികൾ പിടികൂടി.
ഉയരവും വിലകൂടിയതുമായ ടവറുകൾ ലക്ഷ്യമിടുന്നതിനെക്കുറിച്ചുള്ള അടിസ്ഥാനരഹിതമായ ആരോപണങ്ങൾ ഉൾപ്പെടുന്ന ക്ലിപ്പ് ശ്രദ്ധയിൽപെട്ട അധികാരികൾ അന്വേഷണത്തിനൊടുവിൽ ക്ലിപ്പിന്റെ പ്രസാധകന്റെ ഐഡന്റിറ്റി തിരിച്ചറിയുകയും അറസ്റ്റ് ചെയ്യുകയുമായിരുന്നു.
ക്ലിപ്പ് ചിത്രീകരിച്ച് നിരവധി പേർക്ക് അയച്ചതായി അയാൾ സമ്മതിച്ചു. പ്രതിയെ ബന്ധപ്പെട്ട അധികാരികൾക്ക് കൈമാറി. പൊതുസുരക്ഷയും സമൂഹ സുരക്ഷയും ഉറപ്പാക്കുന്നതിന്, കിംവദന്തികൾ പ്രചരിപ്പിക്കുന്നവരെയും തെറ്റായ വാർത്തകൾ പ്രചരിപ്പിക്കുന്നവരെയും കർശനമായും ദയയില്ലാതെയും കൈകാര്യം ചെയ്യണമെന്ന് അധികൃതർ മുന്നറിയിപ്പു നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.