കുവൈത്തിൽനിന്ന് പുറപ്പെടുന്ന ലിബിയക്കുള്ള ആറാമത്തെ വിമാനത്തിൽ റിലീഫ് സാമഗ്രികൾ കയറ്റുന്നു
കുവൈത്ത് സിറ്റി: ലിബിയക്കുള്ള കുവൈത്തിന്റെ സഹായ നടപടികൾ തുടരുന്നു. ദുരിത ബാധിതരെ ചേർത്തുപിടിക്കൽ രാജ്യത്തിന്റെ കടമയാണെന്ന അമീർ ശൈഖ് നവാഫ് അൽ അഹ്മദ് അൽ ജാബിർ അസ്സബാഹിന്റെ നിർദേശപ്രകാരം രാജ്യത്തെ വിവിധ റിലീഫ് സൊസൈറ്റികളുടെ കീഴിലാണ് സഹായം ദുരിതബാധിത പ്രദേശത്ത് എത്തിക്കുന്നത്. റിലീഫ് വസ്തുക്കളും മെഡിക്കൽ ഉപകരണങ്ങളുമായി രാജ്യത്തുനിന്ന് ആറാമത്തെ വിമാനമാണ് ചൊവ്വാഴ്ച ലിബിയയിലെത്തിയത്.
കുവൈത്ത് റിലീഫ് സൊസൈറ്റിയുടെ നേതൃത്വത്തിലാണ് ആറാമത്തെ വിമാനം സജ്ജമാക്കിയത്. തിങ്കളാഴ്ചയായിരുന്നു അഞ്ചാമത്തെ വിമാനം രാജ്യത്തുനിന്ന് അയച്ചിരുന്നത്. ആകെ മൊത്തം 100 ടണ്ണിലധികം റിലീഫ് വസ്തുക്കൾ കുവൈത്ത് ലിബിയയിലേക്ക് അയച്ചിട്ടുണ്ട്. റിലീഫ് വിതരണം ഇനിയും തുടരുമെന്നും അധികൃതർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.