കുവൈത്ത് സിറ്റി: ജലീബ് അല് ശുയൂഖില് വാഹനങ്ങള് നിർത്തിയിടാൻ സകാത് ഹൗസിെൻറ സ്ഥലം വിട്ടുനല്കണമെന്ന് മുനിസിപ്പാലിറ്റി മേധാവി അഹ്മദ് അല് മന്ഫൂഹി സകാത് ഹൗസിനോട് ആവശ്യപ്പെട്ടു. ജലീബ് അൽ ശുയൂഖിലെ ഹയര് സെക്കൻഡറി സ്കൂളിനടുത്തുള്ള സകാത് ഹൗസിെൻറ 1970 മീറ്റര് സ്ക്വയര് ഏരിയയാണ് പാര്ക്കിങ്ങിന് വിട്ടുനല്കാന് മുനിസിപ്പാലിറ്റി ആവശ്യപ്പെട്ടത്. മുനിസിപ്പാലിറ്റിയുടെ ആവശ്യത്തോട് സകാത് ഹൗസിന് അനുകൂല നിലപാടുണ്ടാവുമെന്ന് പ്രതീക്ഷിക്കുന്നതായി അദ്ദേഹം പറഞ്ഞു.
നിലവിൽ കുവൈത്തിൽ വലിയതോതിൽ പാർക്കിങ് പ്രശ്നം നേരിടുന്നുണ്ട്. റിയൽ എസ്റ്റേറ്റ് യൂനിയൻ നടത്തിയ പഠനപ്രകാരം പാർക്കിങ് സ്പെയ്സ് ആവശ്യകതയും ലഭ്യതയും തമ്മിൽ വലിയ വ്യത്യാസമുണ്ട്. റോഡരികിൽ ആളുകൾ വാഹനം നിർത്തിപ്പോകേണ്ടിവരുന്നത് പാർക്കിങ്ങിന് വേറെ സ്ഥലമില്ലാത്തതുകൊണ്ടാണ്. ഇതേതുടർന്നാണ് റോഡരികിലെ പാർക്കിങ്ങിനെതിരെ പൊലീസിന് നടപടിയെടുക്കാൻ കഴിയാത്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.