നിങ്ങളുടെ പ്രശ്​നങ്ങൾ ശ്രദ്ധയിൽപെട്ടിട്ടുണ്ട്​, പരിഹരിക്കാൻ ശ്രമിക്കും - കുവൈത്ത്​ ഇന്ത്യൻ അംബാസഡർ

കുവൈത്ത്​ സിറ്റി: കുവൈത്തിലെ ഇന്ത്യൻ സമൂഹം നേരിടുന്ന വിവിധ പ്രശ്​നങ്ങൾ ശ്രദ്ധയിൽപെട്ടിട്ടുണ്ടെന്നും സാധ്യമാവും വിധം പരിഹരിക്കാൻ ശ്രമിക്കുമെന്നും കുവൈത്തിലെ ഇന്ത്യൻ അംബാസഡർ സിബി ജോർജ്​ പറഞു. ഇന്ത്യൻ എംബസിയിൽ ആരംഭിച്ച ആദ്യ ഒാപ്പൺ ഹൗസ്​ യോഗത്തിൽ സംസാരിക്കുകയായിരുന്നു അദ്ദേഹം. കുവൈത്തിലെത്തിയ ശേഷം 1300ലധികം മെയിലുകൾ വിവിധ വിഷയങ്ങൾ ഉന്നയിച്ച്​ തനിക്ക്​ ലഭിച്ചു. പൊതുമാപ്പ്​ കാലത്ത്​ ഒൗട്ട്​ പാസ്​ ലഭിച്ച്​ നാട്ടിൽ പോവാൻ കഴിയാത്തവരുടെയും വിമാന സർവീസ്​ ഇല്ലാത്തതിനാൽ കുവൈത്തിൽനിന്ന്​ നാട്ടിലേക്കും നാട്ടിൽനിന്ന്​ കുവൈത്തിലേക്കും വരാൻ കഴിയാത്തവരുടെയും തൊഴിൽ നഷ്​ടപ്പെട്ടവരുടെയും തൊഴിൽ ചൂഷണത്തിനിരയായവരുടെയും പ്രശ്​നം ശ്രദ്ധയിൽപെട്ടിട്ടുണ്ട്​.

എൻജിനീയർമാരുടെയും മെഡിക്കൽ പ്രഫഷനലുകളുടെയും പ്രശ്​നങ്ങൾ അറിയാം. ഇന്ത്യൻ ഭരണകൂടത്തി​െൻറയും ഇന്ത്യൻ പൗരന്മാരുടെയും പ്രതിനിധിയായി കുവൈത്തിലെ ഇന്ത്യൻ സമൂഹത്തിനായി സേവനം ചെയ്യാനാണ്​ താൻ നിയോഗിക്കപ്പെട്ടത്​. ഇന്ത്യൻ സമൂഹത്തി​െൻറയും കുവൈത്ത്​ ഭരണകൂടത്തി​െൻറയും പിന്തുണയോടെ ഏറ്റവും നല്ല രീതിയിൽ അത്​ നിർവഹിക്കാൻ ശ്രമിക്കും. എന്ത്​ പ്രശ്​നവും എംബസിയെ അറിയിക്കാം. ഇന്ത്യൻ എംബസിയിലും പാസ്​പോർട്ട്​ ഒാഫിസിലും പരാതിപ്പെട്ടി സ്ഥാപിച്ചിട്ടുണ്ട്​. മെയിലിലൂടെയും സാമൂഹിക മാധ്യമങ്ങളിലൂടെയും പരാതികളും നിർദേശങ്ങളും സമർപ്പിക്കാം. ഒരു വിധ വിവേചനവും ആരോടും ഉണ്ടാവില്ല. അഴിമതിയും ചൂഷണവും പക്ഷപാതിത്വവും വെച്ചുപൊറുപ്പിക്കില്ല. എല്ലാ ബുധനാഴ്​ചയും എംബസിയിൽ ഒാപൺ ഹൗസ്​ യോഗം നടത്തും.

മുൻകൂട്ടി രജിസ്​റ്റർ ചെയ്​ത്​ യോഗത്തിൽ സംബന്ധിച്ച്​ വ്യക്​തിപരവും പൊതുവായതുമായ പരാതികളും നിർദേശങ്ങളും സമർപ്പിക്കാം. ഇൗ രാജ്യത്തെ നിയമങ്ങൾ അനുസരിക്കാനും സംസ്​കാരത്തെ മാനിക്കാനും നമ്മൾ ബാധ്യസ്ഥരാണ്​. കുവൈത്തിലെ ഏറ്റവും വലിയ വിദേശി സമൂഹമാണ്​ നമ്മൾ. നല്ല രീതിയിലുള്ള സഹകരണമാണ്​ കുവൈത്ത്​ അധികൃതരിൽനിന്ന്​ ലഭിച്ചുകൊണ്ടിരിക്കുന്നത്​. അതിന്​ രാജ്യത്തോടും ഇവിടുത്തെ ഭരണകൂടത്തോടും അമീർ ശൈഖ്​ സബാഹ്​ അൽ അഹ്​മദ്​ അൽ ജാബിർ അസ്സബാഹിനോടും നന്ദിയും കടപ്പാടും അറിയിക്കുകയാണെന്നും അദ്ദേഹം കൂട്ടിച്ചേർത്തു. കുവൈത്തിലെ ഇന്ത്യൻ സമൂഹത്തിന്​ പ്രതീക്ഷ നൽകുന്നതായിരുന്നു പുതിയ അംബാസഡറുടെ ആദ്യ പൊതുജന സമ്പർക്ക പരിപാടി. പ്രതിനിധികൾ ഉന്നയിച്ച വിഷയങ്ങളിൽ അദ്ദേഹത്തിന്​ ധാരണയുണ്ടായിരുന്നു. എംബസിയും ഇന്ത്യൻ സമൂഹവും തമ്മിൽ ബന്ധം കൂടുതൽ ഉൗഷ്​മളമാക്കുന്ന വിവിധ നടപടികൾ വരും ദിവസങ്ങളിൽ ഉണ്ടാവുമെന്നാണ്​ പ്രതീക്ഷ.