സ​ർ​ക്കാ​ർ രൂ​പ​വ​ത്​​ക​ര​ണം: കുവൈത്തിൽ ച​ർ​ച്ച​ക​ൾ തു​ട​രു​ന്നു

കു​വൈ​ത്ത് സി​റ്റി: പു​തി​യ സ​ർ​ക്കാ​ർ രൂ​പ​വ​ത്​​ക​ര​ണ​വു​മാ​യി ബ​ന്ധ​പ്പെ​ട്ട്​ ച​ർ​ച്ച​ക​ൾ തു​ട​രു​ന്നു. കി​രീ​ടാ​വ​കാ​ശി ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹ്, മു​ൻ പ്ര​ധാ​ന​മ​ന്ത്രി​മാ​രാ​യ ശൈ​ഖ് നാ​സ​ർ അ​ൽ മു​ഹ​മ്മ​ദ് അ​ൽ അ​ഹ​മ്മ​ദ് അ​സ്സ​ബാ​ഹ്, ശൈ​ഖ് സ​ബാ ഖാ​ലി​ദ് അ​ൽ ഹ​മ​ദ് അ​സ്സ​ബാ​ഹ്, നി​ല​വി​ലെ പ്ര​ധാ​ന​മ​ന്ത്രി ശൈ​ഖ് അ​ഹ്മ​ദ് ന​വാ​ഫ് അ​ൽ അ​ഹ്മ​ദ് അ​സ്സ​ബാ​ഹ് എ​ന്നി​വ​രു​മാ​യാ​ണ് കൂ​ടി​ക്കാ​ഴ്ച ന​ട​ത്തി​യ​ത്. മു​ൻ പ്ര​ധാ​ന​മ​ന്ത്രി ശൈ​ഖ് ജാ​ബി​ർ അ​ൽ മു​ബാ​റ​ക് അ​ൽ ഹ​മ​ദ് അ​സ്സ​ബാ​ഹു​മാ​യി ഫോ​ൺ സം​ഭാ​ഷ​ണ​ത്തി​ലും സ​മാ​ന വി​ഷ​യ​ങ്ങ​ൾ ച​ർ​ച്ച​ചെ​യ്തു.

പു​തി​യ സ​ർ​ക്കാ​ർ രൂ​പ​വ​ത്ക​ര​ണ​ത്തി​ന് മു​ന്നോ​ടി​യാ​യി ന​ട​ക്കു​ന്ന പ​ര​മ്പ​രാ​ഗ​ത ച​ർ​ച്ച​യാ​ണി​ത്. ച​ർ​ച്ച​യി​ൽ കി​രീ​ടാ​വ​കാ​ശി മ​റ്റു​ള്ള​വ​രു​ടെ അ​ഭി​പ്രാ​യ​ങ്ങ​ൾ ആ​രാ​ഞ്ഞു.

ചൊ​വ്വാ​ഴ്ച കി​രീ​ടാ​വ​കാ​ശി സ്പീ​ക്ക​ർ, മു​ൻ സ്പീ​ക്ക​ർ എ​ന്നി​വ​രു​മാ​യി ച​ർ​ച്ച ന​ട​ത്തി​യി​രു​ന്നു. സ്പീ​ക്ക​ർ അ​ഹ്മ​ദ് അ​ൽ സ​ദൂ​നു​മാ​യി വി​ശ​ദ​മാ​യി സം​സാ​രി​ച്ച കി​രീ​ടാ​വ​കാ​ശി അ​ഭി​പ്രാ​യ​ങ്ങ​ൾ ആ​രാ​ഞ്ഞു. മു​ൻ സ്പീ​ക്ക​ർ മ​ർ​സൂ​ഖ് അ​ൽ ഗാ​നി​മു​മാ​യും ച​ർ​ച്ച ന​ട​ത്തി.

ഇ​തി​ൽ​നി​ന്ന് ഉ​രു​ത്തി​രി​യു​ന്ന കാ​ര്യ​ങ്ങ​ൾ വി​ല​യി​രു​ത്തി​യാ​കും പു​തി​യ മ​ന്ത്രി​സ​ഭ അം​ഗ​ങ്ങ​ളെ നി​യ​മി​ക്കു​ക.ജ​നു​വ​രി 25നാ​ണ് പ്ര​ധാ​ന​മ​ന്ത്രി ശൈ​ഖ് അ​ഹ്മ​ദ് ന​വാ​ഫ് അ​ൽ അ​ഹ്മ​ദ് അ​സ്സ​ബാ​ഹി​ന്റെ നേ​തൃ​ത്വ​ത്തി​ലു​ള്ള മ​ന്ത്രി​സ​ഭ രാ​ജി​വെ​ച്ച​ത്. രാ​ജി സ്വീ​ക​രി​ച്ച അ​മീ​ർ ശൈ​ഖ് ന​വാ​ഫ് അ​ൽ അ​ഹ്മ​ദ് അ​ൽ ജാ​ബി​ർ അ​സ്സ​ബാ​ഹി​ന്റെ നി​ർ​ദേ​ശ​പ്ര​കാ​രം നി​ല​വി​ലെ സ​ർ​ക്കാ​ർ താ​ൽ​ക്കാ​ലി​ക ചു​മ​ത​ല​യി​ൽ തു​ട​രു​ക​യാ​ണ്. എം.​പി​മാ​രു​മാ​യു​ള്ള അ​ഭി​പ്രാ​യ​ഭി​ന്ന​ത​യാ​ണ് രാ​ജി​വെ​ക്കാ​നു​ള്ള കാ​ര​ണം. അ​തേ​സ​മ​യം, മ​ന്ത്രി​സ​ഭ​യു​ടെ രാ​ജി പ്ര​ഖ്യാ​പി​ച്ച​തി​ന് പി​റ​കെ അം​ഗ​ങ്ങ​ൾ ദേ​ശീ​യ അ​സം​ബ്ലി​യി​ലെ​ത്താ​ത്ത​ത് സ​ഭാ​ന​ട​പ​ടി​ക​ളെ ബാ​ധി​ച്ചു​തു​ട​ങ്ങി​യി​ട്ടു​ണ്ട്. ഇ​തി​ന​കം മൂ​ന്നു ത​വ​ണ​യാ​ണ് അ​സം​ബ്ലി സ​മ്മേ​ള​നം മാ​റ്റി​വെ​ച്ച​ത്.