ഷംല ഷെരീഫ്, നസീബ തളപ്പിൽ, ഫാത്തിമ സുനീറ
മനാമ: ദാറുൽ ഈമാൻ കേരള വിഭാഗം നടത്തിയ ഖുർആൻ വിജ്ഞാന പരീക്ഷയുടെ വിജയികളെ പ്രഖ്യാപിച്ചു. ഷംല ഷെരീഫ് ഒന്നാം സ്ഥാനവും നസീബ തളപ്പിൽ രണ്ടാം സ്ഥാനവും ഫാത്തിമ സുനീറ മൂന്നാം സ്ഥാനവും കരസ്ഥമാക്കി. ലിയ അബ്ദുൽ ഹഖ്, നസീമ ജാഫർ എന്നിവർ എ പ്ലസ് നേടിയെന്നും പരീക്ഷ കോഓർഡിനേറ്റർ എം.എം സുബൈർ പറഞ്ഞു. ഖുർആൻ ബോധനം അടിസ്ഥാനമാക്കി സൂറത്തു സബ ആണ് എഴുത്ത് പരീക്ഷക്കായി നിർണയിച്ചിരുന്നത്. റിഫ, മനാമ എന്നീ രണ്ടു കേന്ദ്രങ്ങളിൽ വെച്ച് നടന്ന പരീക്ഷയിൽ ബഹ്റൈനിലെ വിവിധ പ്രദേശത്തുള്ള നിരവധി ആളുകൾ പങ്കെടുത്തു. പരീക്ഷയിൽ പങ്കെടുത്തവരെയും വിജയികളായവരെയും ദാറുൽ ഈമാൻ കേരള വിഭാഗം ആക്ടിങ് പ്രസിഡന്റ് ജമാൽ നദ്വി ഇരിങ്ങൽ അഭിനന്ദിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.