മനാമ: സീറോ മലബാർ സൊസൈറ്റി സെപ്റ്റംബർ 20ന് ഇന്ത്യൻ ക്ലബ്ബിൽ നടത്തുന്ന മഹാ ഓണസദ്യയുടെ പ്രവേശനപാസ് പ്രകാശനം ചെയ്തു. ഇന്ത്യൻ ഡിലൈറ്റിൽ ചേർന്ന ചടങ്ങിൽ പ്രസിഡൻറ് ചാൾസ് ആലുക്ക മുൻ പ്രസിഡൻറ് പി.പി. ചാക്കുണ്ണിക്കും ഓണാഘോഷ കമ്മിറ്റി കൺവീനർ സാനി പോളിനും നൽകിയാണ് പ്രകാശനം നിർവഹിച്ചത്. കേരളത്തിലെ 1500ഓളം വൃദ്ധസദനങ്ങളിലെ അന്തേവാസികൾക്ക് ഓണ സദ്യ നൽകുമെന്ന് പ്രസിഡൻറ് അറിയിച്ചു. ഇത്തരം നല്ല ഉദ്യമങ്ങൾക്ക് സമാനമനസ്കരായ എല്ലാവരുടെയും സഹായം അഭ്യർഥിക്കുന്നതായും സൊസൈറ്റി പ്രസിഡൻറ് ചാൾസ് ആലുക്ക പറഞ്ഞു. ചടങ്ങിൽ സൊസൈറ്റി ജനറൽ സെക്രട്ടറി ജയിംസ് മാത്യു സ്വാഗതം പറഞ്ഞു. കോർ ഗ്രൂപ്പ് ചെയർമാൻ പോൾ ഉറുവത്ത്, ഓണാഘോഷ കമ്മിറ്റി കൺവീനർ സാനി പോൾ, എൻട്രി പാസ് കൺവീനർ ജോയി എലുവത്തിങ്കൽ, മുൻ പ്രസിഡൻറ് പി.ചാക്കുണ്ണി , ഫ്രാൻസിസ് കൈതാരത്ത് എന്നിവർ സംസാരിച്ചു. റോയ് ജോസഫ് നന്ദിപറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.