നോർ​ത്തേൺ ഗവർണറെ അ​േമരിക്കൻ അംബാസഡർ സന്ദർശിച്ചു

മനാമ: നോർ​ത്തേൺ ഗവർണർ അലി ബിൻ അൽ ശൈഖ്​ അബ്​ദുൽ ഹുസയി​ൻ അൽ അസ്​ഫൂറിനെ ബഹ്​റൈനിലെ യു.എസ്​ ഗവർണർ ജസ്​റ്റിൻ സിബെറൽ സന്ദർശിച്ചു. ഗവർണറുടെ നേതൃത്വത്തിൽ ഗവർണറേറ്റിൽ നടന്ന ‘ഞങ്ങൾ സമാധാനത്തി​​​െൻറ പങ്കാളികൾ’ എന്ന പദ്ധതിയുടെ വിജയത്തെ അംബാസഡർ അഭിനന്ദിച്ചു. നോർ​ത്തേൺ ഗവർണർ യു.എസ്​ അംബാസഡറുടെ സന്ദർശനത്തെ സ്വാഗതം ചെയ്യുകയും ബഹ്റൈനും അമേരിക്കയും തമ്മിലുള്ള ചരിത്രപരമായ ബന്ധം എടുത്തുപറയുകയും​ ​ചെയ്​തു. 

രാജാവ്​ ഹമദ്​ ബിൻ ഇൗസ ആൽ ഖലീഫയുടെ നേതൃത്വത്തിൽ രാജ്യം അമേരിക്കയ​ുമായി രാഷ്​ട്രീയ, സാമ്പത്തിക, സാംസ്​കാരിക തലങ്ങളിൽ സഹകരണം നടത്തുന്നതിനെ കുറിച്ചും ഗവർണർ ചൂണ്ടിക്കാട്ടി. സ്വാതന്ത്ര്യവും, ബഹുസ്വരതയും, സഹിഷ്​ണുതയും സഹവർത്തിത്വവും പ്രോത്​സാഹിപ്പിക്കുന്നതാണ്​ ബഹ്​റൈ​​​െൻറ ശൈലിയെന്നും അദ്ദേഹം കൂട്ടിച്ചേർത്തു.