ലേഡീസ് വിങ്ങിന്റെയും ചിൽഡ്രൻസ് വിങ്ങിന്റെയും പ്രവർത്തനോദ്ഘാടന ചടങ്ങിൽനിന്ന്
മനാമ: ബഹ്റൈൻ സിറോ മലബാർ സൊസൈറ്റിയുടെ (സിംസ്) ലേഡീസ് വിങ്ങിന്റെയും ചിൽഡ്രൻസ് വിങ്ങിന്റെയും ഈ വർഷത്തെ പ്രവർത്തനോദ്ഘാടനവും ഭാരവാഹികളുടെ സ്ഥാനാരോഹണവും മനാമയിലെ സിംസ് ഗുഡ്വിൻ ഹാളിൽ നടന്നു. ഇന്ത്യൻ ലേഡീസ് അസോസിയേഷൻ (ഐ.എൽ.എ) പ്രസിഡന്റ് സ്മിത ജെൻസൺ ലേഡീസ് വിങ്ങിന്റെയും, പ്രശസ്ത സിനി ആർട്ടിസ്റ്റ് ജയ മേനോൻ ചിൽഡ്രൻസ് വിങ്ങിന്റെയും ഉദ്ഘാടനം നിർവഹിച്ചു.
സിംസ് പ്രസിഡന്റ് പി.ടി. ജോസഫ് അധ്യക്ഷത വഹിച്ച ചടങ്ങിൽ പോർഷെ ബഹ്റൈൻ 'വുമൺ ഓഫ് ദി ഇയർ' അവാർഡ് ജേതാവായ ജയ മേനോനെ ലേഡീസ് വിങ്ങിന് വേണ്ടി ആദരിച്ചു. ലേഡീസ് വിങ് പ്രസിഡന്റ് സ്റ്റെഫി മരിയ അരുൺ, ജനറൽ സെക്രട്ടറി മേരി ജെയിംസ്, ചിൽഡ്രൻസ് വിങ് പ്രസിഡന്റ് ഷാർവിൻ ഷൈജു, ജനറൽ സെക്രട്ടറി ജെയിൻ ലൈജു എന്നിവർ ഈ വർഷത്തെ പ്രവർത്തന രേഖകൾ അവതരിപ്പിച്ചു.
നെൽസൺ വർഗീസ് സ്വാഗതം ആശംസിച്ച ചടങ്ങിൽ ജിമ്മി ജോസഫ്, ജോബി ജോസഫ്, ജെയിംസ് ജോൺ എന്നിവർ സംസാരിച്ചു. ചിൽഡ്രൻസ് വിങ് അംഗങ്ങളുടെ വൈവിധ്യമാർന്ന കലാപരിപാടികൾ ചടങ്ങിന് മാറ്റുകൂട്ടി. വനിതാ വിഭാഗം ഭാരവാഹികളായ ജിൻസി ലിയോൺസ്, സുനു ജോസഫ് എന്നിവരും വിവിധ എക്സിക്യൂട്ടിവ് അംഗങ്ങളും സിംസ് ബോർഡ് ഓഫ് ഡയറക്ടർമാരും പരിപാടികൾക്ക് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.