മനാമ: വിവിധ സംഘടനകളുടെ നേതൃത്വത്തിൽ നാളെ രാവിലെ അഞ്ചുമുതൽ ആരംഭിക്കുന്ന വിദ്യാരംഭത്തിന് ഒരുക്കം പൂർത്തിയായി. ബഹ്റൈൻ കേരളീയ സമാജം, കേരള സോഷ്യൽ ആൻറ് കൾച്ചറൽ അസോസിയേഷൻ, ശ്രീനാരായണ കൾച്ചറൽ സൊസൈറ്റി, ഗുരുദേവ സോഷ്യൽ സൊസൈറ്റി കാനൂഗാർഡൻ ബഹ്റൈൻ എന്നിവയുടെ ആഭിമുഖ്യത്തിലാണ് എഴുത്തിനിരുത്തൽ ചടങ്ങുകൾ നടത്തുന്നത്. കേരളീയ സമാജത്തിൽ വി.മധുസൂദനൻനായർ, കേരള സോഷ്യൽ ആൻറ് കൾച്ചറൽ അസോസിയേഷനിൽ ഒ.എസ്. ഉണ്ണികൃഷ്ണൻ, ശ്രീനാരായണ കൾച്ചറൽ സൊസൈറ്റിയിൽ കെ.ജയകുമാർ, ഗുരുദേവ സോഷ്യൽ സൊസൈറ്റി കാനൂഗാർഡൻ ബഹ്റൈനിൽ ശശികുമാർ വർമ്മ എന്നിവരാണ് എഴുതിക്കൽ നടത്തുന്ന
ത്.വിവിധ കേന്ദ്രങ്ങളിൽ എഴുതിക്കൽ ചടങ്ങുകൾക്ക് ഇത്തവണ കുട്ടികളുടെ എണ്ണത്തിൽ വർധനവ് ഉണ്ടായിട്ടുണ്ട്. എഴുതിക്കലിന് എത്തുന്നവരെ മധുരം നൽകി വരവേൽക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.