റിഫ സർഗവേദി നടത്തിയ സ്‌മൃതിയരങ്ങ് പരിപാടിയിൽ ജമാൽ ഇരിങ്ങൽ പ്രഭാഷണം നടത്തുന്നു
മനാമ: ഫ്രന്റ്‌സ് സർഗവേദി റിഫ ഏരിയ നടത്തിയ സ്‌മൃതിയരങ്ങ് ശ്രദ്ധേയമായി. ഈയിടെ അന്തരിച്ച പ്രശസ്ത മലയാള ചലച്ചിത്ര സംവിധായകൻ സിദ്ദീഖ്, പ്രമുഖ സാഹിത്യകാരൻ ഇബ്രാഹിം ബേവിഞ്ച, സുപ്രസിദ്ധ മാപ്പിളപ്പാട്ട് ഗായിക വിളയിൽ ഫസീല എന്നിവരുടെ ജീവിതത്തിലേക്ക് കൂടുതൽ വെളിച്ചം നൽകുന്നതായിരുന്നു പരിപാടി. അവരുടെ കലാ - സാഹിത്യ ജീവിതത്തെക്കുറിച്ചുള്ള ചർച്ചകൾ സ്‌മൃതി അരങ്ങിനെ വേറിട്ട അനുഭവമാക്കി. ഇബ്രാഹിം ബേവിഞ്ചയെ ജമാൽ ഇരിങ്ങലും സിദ്ദീഖിനെ ഷാഹുൽ ഹമീദും അനുസ്മരിച്ചു.
മാപ്പിളപ്പാട്ടിന്റെ വാനമ്പാടി വിളയിൽ ഫസീലയെ അനുസ്മരിച്ച് സലീന ജമാൽ നടത്തിയ പാട്ടും പറച്ചിലും ഹൃദ്യമായി. തുടർന്ന് നടന്ന ഗാനസ്മരണയിൽ ദിയ, തമന്ന, ഫസലുറഹ്മാൻ മൂച്ചിക്കൽ, ഷാഹുൽ, നസീർ, ബഷീർ, ആയാത്ത് തുടങ്ങിയവർ ഗാനങ്ങൾ ആലപിച്ചു. സർഗവേദി കൺവീനർ ഡോ.സാബിർ അധ്യക്ഷത വഹിച്ച പരിപാടിയിൽ സെക്രട്ടറി അബ്ദുൽ ജലീൽ സ്വാഗതം പറഞ്ഞു. അസിസ്റ്റന്റ് സെക്രട്ടറി മൂസ കെ. ഹസൻ നന്ദി പ്രകാശിപ്പിച്ചു. ഇർഷാദ് കുഞ്ഞിക്കനി ആയിരുന്നു എം.സി. ഏരിയ പ്രസിഡന്റ് സമീർ ഹസൻ, അഹ്മദ് റഫീഖ്, മഹ്മൂദ് മായൻ തുടങ്ങിയവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.