മനാമ: പ്രധാനമന്ത്രി പ്രിന്സ് ഖലീഫ ബിന് സല്മാന് അല്ഖലീഫയെ കുവൈത്ത് ആഭ്യന്തര മന്ത്രാലയം അസിസ്റ്റൻറ് അണ്ടര് സെക്രട്ടറി ശൈഖ് സാലിം നവാഫ് അല്അഹമ്മദ് അല്സബാഹ് സന്ദർശിച്ചു. ഗുദൈബിയ കൊട്ടാരത്തിലായിരുന്നു കൂടിക്കാഴ്ച നടന്നത്. കുവൈത്ത് അമീറിെൻറ ആശംസകൾ അസിസ്റ്റൻറ് അണ്ടര് സെക്രട്ടറി പ്രധാനമന്ത്രിക്ക് കൈമാറി. ഗൾഫ് രാജ്യങ്ങളുടെ െഎക്യത്തിനായി കുവൈത്ത് അമീറിെൻറ നേതൃത്വത്തിൽ നടത്തുന്ന പരിശ്രമങ്ങളെ പ്രധാനമന്ത്രി എടുത്തുപറയുകയും അഭിനന്ദിക്കുകയും ചെയ്തു. ബഹ്റൈനും കുവൈത്തുമായി നൂറ്റാണ്ടുകളായി നിലനിൽക്കുന്ന ഉൗഷ്മള ബന്ധത്തെ കുറിച്ചും വിലയിരുത്തലുകൾ ഉണ്ടായി. ആഭ്യന്തരമന്ത്രി ലഫ്റ്റ്നൻറ് ജനറല് ശൈഖ് റാഷിദ് ബിന് അബ്ദുല്ല ആല്ഖലീഫയുമായും ശൈഖ് സാലിം നവാഫ് കൂടിക്കാഴ്ച നടത്തി.ആഭ്യന്തര മന്ത്രിയുമായുള്ള കൂടികാഴ്ചയിലും ഇരുരാജ്യങ്ങൾ തമ്മിലുള്ള ബന്ധത്തെയും സൗഹൃദത്തെയും വിലയിരുത്തുകയും കൂടുതൽ സഹകരണം വിവിധ മേഖലകളിൽ മുന്നോട്ട് കൊണ്ടുപോകാൻ തീരുമാനിക്കുകയും ചെയ്തിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.