കൊല്ലം പ്രവാസി അസോസിയേഷന്‍ പ്രവാസിശ്രീ വനിത സമ്മേളനം
മനാമ: കൊല്ലം പ്രവാസി അസോസിയേഷന്‍റെ ജില്ല സമ്മേളനത്തിന് മുന്നോടിയായി വനിത സമ്മേളനം കെ.പി.എ വനിത വിഭാഗമായ പ്രവാസിശ്രീയുടെ നേതൃത്വത്തിൽ കെ.സി.എ ഹാളില്‍ നടന്നു. പ്രവാസിശ്രീ യൂനിറ്റ് സമ്മേളനം, പൊതു സമ്മേളനം എന്ന രണ്ടു സെഷനായിട്ടായിരുന്നു വനിത സമ്മേളനം.
ആദ്യ സെഷനിൽ പ്രവാസിശ്രീ 10 യൂനിറ്റുകളുടെ റിപ്പോർട്ട് അവതരണവും യൂനിറ്റ് പുനഃസംഘടനയും നടന്നു. കെ.പി.എ പ്രസിഡന്റ് നിസാർ കൊല്ലം അധ്യക്ഷത വഹിച്ചു. കോഓഡിനേറ്റർ മനോജ് ജമാൽ സ്വാഗതവും നവാസ് കരുനാഗപ്പള്ളി നന്ദിയും പറഞ്ഞു. 10 യൂനിറ്റ് ഹെഡുകൾ പ്രവർത്തന റിപ്പോർട്ട് അവതരിപ്പിച്ചു. ജനറൽ സെക്രട്ടറി ജഗത് കൃഷ്ണകുമാറിന് റിപ്പോര്‍ട്ട് കൈമാറി. വൈ.പ്രസിഡന്റ് കിഷോർ കുമാർ, സെക്രട്ടറിമാരായ സന്തോഷ് കാവനാട്, അനോജ് മാസ്റ്റർ എന്നിവർ ആശംസകൾ അറിയിച്ചു.
പൊതു സമ്മേളനം കെ.പി.എ പ്രസിഡന്റ് നിസാർ കൊല്ലം ഉദ്ഘാടനം ചെയ്തു. ഡബ്ല്യു.എം.എഫ് ജനറൽ സെക്രട്ടറി ദീപ ജയചന്ദ്രൻ മുഖ്യ പ്രഭാഷണം നടത്തി. കെ.പി.എ രക്ഷാധികാരി ബിജു മലയിൽ, ഡബ്ല്യു.എം.സി വൈ. പ്രസിഡന്റ് കാത്തു സച്ചിൻ ദേവ് എന്നിവർ സംസാരിച്ചു. പ്രദീപ അനിൽ അധ്യക്ഷയായിരുന്നു.
റസീല മുഹമ്മദ് സ്വാഗതവും ജ്യോതി പ്രമോദ് നന്ദിയും പറഞ്ഞു. ജിബി ജോൺ, സുമി ഷമീർ എന്നിവർ യോഗം നിയന്ത്രിച്ചു. തുടർന്ന് കുട്ടികളുടെയും സൃഷ്ടി കലാകാരന്മാരുടെയും വിവിധ കലാപരിപാടികൾ അരങ്ങേറി. പ്രവാസി ശ്രീ യൂനിറ്റ് ഹെഡുകളായ രമ്യ ഗിരീഷ്, അഞ്ജലി രാജ്, ഷാമില ഇസ്മായിൽ, ബ്രിന്ദ സന്തോഷ്, സൃഷ്ടി അംഗങ്ങളായ ദിൽഷാദ് രാജ്, ഷഹീൻ മഞ്ഞപ്പാറ എന്നിവർ പരിപാടികൾ നിയന്ത്രിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.