മനാമ: രാജാവ് ഹമദ് ബിൻ ഇൗസ ആൽ ഖലീഫയുടെ രക്ഷാധികാരത്തിൽ നടക്കുന്ന ഗാർഡൻ ഷോക്ക് ബഹ്റൈൻ ഇൻറർനാഷണൽ എക്സിബിഷൻ ആൻറ് കൺവൻഷൻ സെൻററിൽ ഒൗദ്യോഗികമായി ഉദ്ഘാടനം ചെയ്തു. ഇന്നും നാളെയുമാണ് പൊതുജനങ്ങൾക്കുള്ള പ്രവേശനം. വൈവിദ്ധ്യമാർന്ന പച്ചക്കറികളും പഴങ്ങളും ചെടികളും പ്രദർശിപ്പിക്കുന്ന മേളയിൽ ബോധവത്ക്കരണ പരിപാടികളും സംഘടിപ്പിച്ചിട്ടുണ്ട്. വിദേശ, പ്രാദേശിക കമ്പനികളുടെ നൂതനവും വിവിധതലത്തിലുള്ള ഉത്പ്പന്നങ്ങളുടെ വിശാലമായ ലോകം പ്രദർശനത്തെ ശ്രദ്ധേയമാക്കുന്നുണ്ട്.
ഇൗ വർഷം ഗാർഡൻഷോ മുന്നോട്ട് വക്കുന്നത് മികച്ച കാർഷിക സേവനങ്ങൾ, നിലവാരം, സുരക്ഷിതം, ഭക്ഷ്യസുരക്ഷ, അന്താരാഷ്ട്ര നിലവാരമുള്ള കാർഷിക ജീവനക്കാർ തുടങ്ങിയ ഘടകങ്ങളാണ്. ഭക്ഷ്യസുരക്ഷയും മാനവാരോഗ്യവും എന്നതാണ് ഇൗ വർഷത്തെ പ്രമേയം. പവലിയനെ വിപണനം, ബോധവത്ക്കരണം എന്നീ മേഖലകളായി തിരിച്ചാണ് പ്രദർശനം നടക്കുന്നത്. അഗ്രികൾച്ചർ, മറൈൻ റിസോഴ്സ് അതോറിറ്റികളുടെ നേതൃത്വത്തിൽ ഭക്ഷ്യസുരക്ഷയും നിലവാര നിർണ്ണയ യൂണിറ്റുകളും പ്രദർശന നഗരിയിൽ പ്രവർത്തിക്കുന്നുണ്ട്. 17 ഒാളം വിദേശ രാജ്യങ്ങളുടെ സ്റ്റാളുകളും പ്രദർശനത്തിലുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.