ചൂടിൽ വെന്തുരുകി ജനം:  താപനില ഉയരാൻ കാരണം  കാലാവസ്​ഥ വ്യതിയാനം

മനാമ: ജൂലൈ ആദ്യവാരം മുതൽ താപനില ക്രമാതീതമായി ഉയർന്നത്​ സാധാരണ ജനജീവിതം ദുരിതത്തിലാക്കി. കഴിഞ്ഞ വർഷത്തേക്കാൾ കൂടിയ ചൂടാണ്​ ഇൗ തവണ അനുഭവപ്പെടുന്നത്​. കാലാവസ്​ഥ നിരീക്ഷണകേന്ദ്രത്തി​​​െൻറ കണക്കുകളും ഇക്കാര്യം വ്യക്​തമാക്കുന്നു. കഴിഞ്ഞ ദിവസങ്ങളിൽ ബഹ്​റൈനിൽ രേഖപ്പെടുത്തിയ ഏറ്റവും ഉയർന്ന താപനില 46 ഡിഗ്രിയാണ്​. 2013 മുതലുള്ള കണക്കുനോക്കു​േമ്പാൾ 4.7 ഡിഗ്രി ചൂട്​ വർധിച്ചതായാണ്​ കാണുന്നത്​. അന്തരീക്ഷത്തിലെ ഇൗർപ്പത്തി​​​െൻറ സാന്നിധ്യം രാപകലില്ലാ​െത വിങ്ങുന്ന അവസ്​ഥയുണ്ടാക്കുകയാണ്​. അട​ുത്ത രണ്ടാഴ്​ചക്കാലം താപനില 40 ഡിഗ്രിക്ക്​ മുകളിൽ തന്നെ തുടരുമെന്നാണ്​ അനുമാനം.

ആഗോളതാപനത്തി​​​െൻറ ഭാഗമായി ലോകമെമ്പാടുമുള്ള കാലാവസ്​ഥ വ്യതിയാനത്തി​​​െൻറ ഭാഗമായാണ്​ താപനില ഉയരുന്നതെന്ന്​ ബഹ്​റൈൻ കാലാവസ്​ഥ വിഭാഗം ഡയറക്​ടർ ആദിൽ ദഹം പ്രാദേശിക പത്രത്തോട്​ പറഞ്ഞു. മുമ്പുണ്ടായ കാറ്റി​​​െൻറ ഗതിയല്ല ഇപ്പോഴുള്ളത്​. ഇപ്പോൾ കിഴക്ക്​, തെക്ക്​^കിഴക്ക്​ ഭാഗത്തുനിന്നുള്ള കാറ്റാണ്​ ബഹ്​റൈനിൽ ലഭിക്കുന്നത്​. ഇത്​ ഹ്യുമിഡിറ്റി വർധിക്കാനും കാരണമാകുന്നു. അതിനാൽ, രേഖപ്പെടുത്തുന്ന ചൂടിനേക്കാൾ കൂടിയ ചൂടാണ്​ അനുഭവപ്പെടുക. 1902 മുതലുള്ള കണക്കനുസരിച്ച്​ ഇക്കഴിഞ്ഞ ജൂണിലാണ്​ ഏറ്റവുമധികം ചൂട്​ അനുഭവപ്പെട്ടത്​. ജൂണിലെ ശരാശരി താപനില 34.5 ഡിഗ്രിയായിരുന്നു. അത്​ ദീർഘകാലത്തെ കണക്കുമായി താരതമ്യം ചെയ്യു​േമ്പാൾ 2.1 ഡിഗ്രി കൂടുതലാണ്​. 

ചൂട്​ കനത്തതോടെ റോഡുകളിലും മറ്റും തിരക്ക്​ കുറഞ്ഞിട്ടുണ്ട്. ഫ്ലാറ്റിലും ജോലിസ്​ഥലത്തുമായി മാത്രം കഴിയുകയാണ്​ പ്രവാസികൾ. പ്രഭാത സവാരിക്കിറങ്ങുന്നവ​രുടെ എണ്ണം പോലും കുറഞ്ഞിട്ടുണ്ട്​. ഉച്ചസമയത്തെ പുറത്തുള്ള ജോലികൾ നിരോധിച്ച ഉത്തരവ്​ ഇൗ മാസം മുതൽ പ്രാബല്യത്തിൽ വന്നതി​​​െൻറ ആശ്വാസത്തിലാണ്​ തൊഴിലാളികൾ. എന്നാൽ, ജോലി സമയം ക്രമീകരിച്ചതിനാൽ പലരും നേരത്തെ ​വർക്​ സൈറ്റുകളിൽ എത്തേണ്ടിവരുന്നുണ്ട്​. പുലർ​െച്ചയും ചൂടിന്​ കുറവില്ല. അതിനാൽ വിയർത്തുകുളിച്ചാണ്​ സാധാരണജോലിക്കാർ പണിയെടുക്കുന്നത്​. വർക്​ സൈറ്റുകളിൽ തൊഴിലാളികൾക്ക്​ കുടിവെള്ളം ഉൾപ്പെടെയുള്ളവ ലഭ്യമാക്കണമെന്നും ബുദ്ധിമുട്ട്​ അനുഭവപ്പെടുന്നവർക്ക്​ ഉടൻ ചികിത്സ സൗകര്യം ഉറപ്പാക്കണമെന്നും അധികൃതർ കമ്പനികളോട്​ ആവശ്യപ്പെട്ടിട്ടുണ്ട്​.