മനാമ: രാജ്യത്തിെൻറ വിവിധ ഭാഗങ്ങളിൽ മഴ െപയ്തു. മനാമ, റിഫ, മുഹറഖ് തുടങ്ങിയ സ്ഥലങ്ങളിൽ ഉച്ചയോടെയാണ് മഴയുണ്ടായത്. ഒന്നുരണ്ട് മണിക്കൂറുകളോളം നീണ്ടുനിന്ന മഴയെത്തുടർന്ന് റോഡുകളിൽ വെള്ളം നിറഞ്ഞു. മഴക്കൊപ്പം ശക്തമായ കാറ്റും വീശി. വൈകുന്നേരത്തോടെ ചില സ്ഥലങ്ങളിൽ ചാറ്റൽ മഴയുമുണ്ടായി. കാലാവസ്ഥ മാറ്റത്തിെൻറ ഭാഗമായാണ് ദിവസങ്ങളായി മഴ പെയ്യുന്നതെന്ന് കാലാവസ്ഥ നീരീക്ഷകർ അറിയിച്ചിട്ടു
ണ്ട്. വേനൽ മാറി ശൈത്യം വരുന്നതിെൻറ മുന്നോടിയായുള്ള മഴയും കാറ്റും ഇടിമിന്നലും കുറച്ച് ദിവസങ്ങളായി തുടങ്ങിയിട്ട്.
കാറിെൻറ മുകളിൽ മരം കടപുഴകി വീണു
മനാമ: മഴയിലും കാറ്റിലും മരം കടപുഴകി വീണു. ഉം അൽ ഹസം അസീൽ സൂപ്പർമാർക്കറ്റിന് സമീപത്താണ് കാറിനുമുകളിൽ മരം നിലംപതിച്ചത്. കാറിന് കേടുപാടുണ്ടായി. എന്നാൽ ആളപായമില്ല. ഇതിനെ തുടർന്ന് ഏറെ നേരം ഗതാഗത തടസവുമുണ്ടായി.
ഇന്നും മഴ പെയ്തേക്കും
മനാമ: ഇന്നും രാജ്യത്ത് കനത്ത മഴയുണ്ടാകാനുള്ള സാധ്യത ഉണ്ടെന്ന് ഗതാഗത, ടെലികമ്യൂണിക്കേഷൻ മന്ത്രാലയത്തിലെ ഡയറക്ടേറ്റ് ഒാഫ് മെട്രോളജി അധികൃതർ മുന്നറിയിപ്പ് നൽകി. മഴക്കൊപ്പം ശക്തമായ ഇടിമിന്നലുകളുണ്ടാകാനുള്ള സാധ്യതയുമുണ്ട്. കാറ്റിൽ ഒന്നുമുതൽ മൂന്ന് അടിവരെ സമുദ്രത്തിരമാലകൾ ഉയർന്നേക്കുമെന്നും അധികൃതർ സൂചന നല്കി. കൂടിയ താപനില 35 ഡിഗ്രി സെൽഷ്യസും കുറഞ്ഞത് 25 ഡിഗ്രി സെൽഷ്യസുമായിരിക്കും. ഹുമിഡിറ്റി 90 ശതമാനവും കുറഞ്ഞത് 40 ശതമാനവുമായിരിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.