മനാമ: രാജാവ് ഹമദ് ബിന് ഈസ ആല് ഖലീഫയും പ്രധാനമന്ത്രി പ്രിന്സ് ഖലീഫ ബിന് സല്മാന് ആല് ഖലീഫയും കാനൂ കുടുംബത്തെ സന്ദര്ശിച്ച് അബ്ദുല് അസീസ് ജാസിം കാനൂവിന്െറ നിര്യാണത്തില് അനുശോചനം രേഖപ്പെടുത്തി. ബഹ്റൈന് സമ്പദ്വ്യവസ്ഥക്ക് വലിയ സംഭാവനകള് നല്കിയ അബ്ദുല് അസീസ് ജാസിം കാനൂ ജീവകാരുണ്യ രംഗത്തും സജീവമായിരുന്നെന്ന് ഹമദ് രാജാവ് പറഞ്ഞു. രാജ്യത്തിനും ബഹ്റൈന് സമൂഹത്തിനും അദ്ദേഹം നല്കിയ സേവനങ്ങള് അവിസ്മരണീയമാണെന്നും രാജാവ് കൂട്ടിച്ചേര്ത്തു. രാജ്യത്തെ വ്യാപാര-നിക്ഷേപ രംഗങ്ങളുടെ വളര്ച്ചയില് കാനൂ നിര്ണായക പങ്ക് വഹിച്ചിട്ടുണ്ട്. ഇത്തരം പദ്ധതികള് ബഹ്റൈന് സമ്പദ്വ്യവസ്ഥയുടെ പ്രധാന തൂണുകളാണെന്നും അദ്ദേഹം പറഞ്ഞു.
അബ്ദുല് അസീസ് ജാസിം കാനൂവിന്െറ നിര്യാണം നികത്താനാകാത്ത വിടവാണെന്നും പരേതാത്മാവിന് നിത്യശാന്തി കൈവരട്ടെയെന്നും പ്രധാനമന്ത്രി പറഞ്ഞു. തങ്ങളുടെ ദു$ഖത്തില് പങ്കുചേര്ന്ന രാജാവിനും പ്രധാനമന്ത്രിക്കും കാനൂ കുടുംബം നന്ദി രേഖപ്പെടുത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.