സക്കീർ
ഹാഇൽ: ഹൃദയാഘാതംമൂലം മരിച്ച തിരുവനന്തപുരം പെരുമാതുറ സ്വദേശി മാടൻവിള സക്കീറിൻെറ (45) മൃതദേഹം ഹാഇലിൽ ഖബറടക്കി. കഴിഞ്ഞ തിങ്കളാഴ്ചയാണ് അന്ത്യം സംഭവിച്ചത്. ശാരീരിക അസ്വസ്ഥത അനുഭവപ്പെട്ടതിനെ തുടർന്ന് ആശുപത്രിയിൽ ചികിത്സ തേടിയ ശേഷം താമസസ്ഥലത്തേക്ക് മടങ്ങിവന്നിരുന്നു.
വീണ്ടും ശാരീരിക ബുദ്ധിമുട്ട് അനുഭവപ്പെടുകയും താമസസ്ഥലത്തുവെച്ചുതന്നെ മരണം സംഭവിക്കുകയുമായിരുന്നു. മൃതദേഹം ഹാഇൽ ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുകയായിരുന്നു. 20 വർഷമായി ഇദ്ദേഹം ഹാഇലിൽ ലേഡീസ് മാർക്കറ്റിൽ ജോലി ചെയ്തുവരുകയായിരുന്നു. ഭാര്യ: നജ്ബുന്നിസ. മക്കൾ: ഹനാൻ, ഹയാം. ഇന്ത്യൻ സോഷ്യൽ ഫോറം ഹാഇൽ വെൽെഫയർ വളൻറിയർ അർഷാദ് കല്ലറയുടെ നേതൃത്വത്തിൽ നിയമനടപടികൾ പൂർത്തിയാക്കി മൃതദേഹം സദിയാൻ മഖ്ബറയിൽ ഖബറടക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.