ഐ.ക്യുവിനെക്കാൾ പ്രധാനം ഇ.ക്യു

കൊ​ല്ലം: ജീ​വി​ത​ത്തി​ൽ വി​ജ​യി​ക്കാ​ൻ ഐ.​ക്യു(​ബു​ദ്ധി​ശ​ക്തി)​വി​നെ​ക്കാ​ൾ വേ​ണ്ട​ത്​ ഇ.​ക്യു(​വൈ​കാ​രി​ക ബു​ദ്ധി) ആ​ണെ​ന്ന്​ ഓ​ർ​മി​പ്പി​ച്ച്​ എ​ജു​ക​ഫേ വേ​ദി​യി​ൽ ‘വെ​ൽ​നെ​സ്​ ചാ​റ്റ്​’. ‘ടീ​നേ​ജ്​ ഇ​മോ​ഷ​ന​ൽ വെ​ൽ​ബീ​യി​ങ്​- റെ​യ്​​സി​ങ്​ എം​പ​ത​റ്റി​ക്​ കി​ഡ്​​സ്​’ എ​ന്ന വി​ഷ​യ​ത്തി​ൽ ന്യൂ​റോ സ​ർ​ജ​നും എ​ഴു​ത്തു​കാ​ര​നു​മാ​യ ഡോ. ​മ​നോ​ജ്​ വെ​ള്ള​നാ​ട്, മാ​ധ്യ​മ​പ്ര​വ​ർ​ത്ത​ക​ൻ ജെ​യ്​​ബി ജോ​സ​ഫ്, അ​ധ്യാ​പി​ക പാ​ർ​വ​തി വ​ത്സ​ല, വി​ദ്യാ​ർ​ഥി​നി​യാ​യ ​ജെ.​പി. ഭാ​ര​തി എ​ന്നി​വ​രാ​ണ്​ ചി​ന്ത​ക​ൾ പ​ങ്കു​വെ​ച്ച​ത്.

പ​ഠി​ക്കാ​നും പ്ര​വ​ർ​ത്തി​ക്കാ​നു​മു​ള്ള ഐ.​ക്യു​വി​നെ​ക്കാ​ൾ സ​ഹ​ജീ​വി​ക​ളെ മ​ന​സ്സി​ലാ​ക്കി സ​ഹാ​നു​ഭൂ​തി​യോ​ടെ പ്ര​വ​ർ​ത്തി​ക്കാ​നു​ള്ള വൈ​കാ​രി​ക​ബു​ദ്ധി​യും വെ​ല്ലു​വി​ളി​ക​ളെ നേ​രി​ടാ​നു​ള്ള പ്ര​തി​കൂ​ലാ​വ​സ്ഥ ബു​ദ്ധി​യു​മാ​ണ്(​അ​ഡ്​​വേ​ഴ്​​സി​റ്റി ക്വാ​ഷ​ന്‍റ്) ഇ​ന്ന്​ ഏ​റെ പ്രാ​ധാ​ന്യ​മെ​ന്ന്​ ഡോ. ​മ​നോ​ജ്​ വെ​ള്ള​നാ​ട്​ പ​റ​ഞ്ഞു. ഒ​രി​ക്ക​ൽ പോ​ലും വീ​ഴാ​ൻ ഇ​ഷ്ട​മി​ല്ലാ​ത്ത​വ​രാ​യി ഇ​ന്ന​ത്തെ ത​ല​മു​റ മാ​റി​യി​രി​ക്കു​ന്ന സ്ഥി​തി​യാ​ണ്.

തോ​ൽ​വി​ക​​ളെ​യും നെ​ഗ​റ്റി​വ്​ സാ​ഹ​ച​ര്യ​ങ്ങ​ളെ​യും നേ​രി​ടാ​ൻ കു​ട്ടി​ക​ളെ പ​ഠി​പ്പി​ക്കേ​ണ്ട​ത്​ അ​ത്യാ​വ​ശ്യ​മാ​ണെ​ന്നും അ​ദേ​ഹം വ്യ​ക്ത​മാ​ക്കി. കു​ട്ടി​ക​ളു​ടെ മു​റി​യി​ലു​ള്ള സാ​ധ​ന​ങ്ങ​ൾ പോ​ലും സം​ശ​യ​ത്തി​ലൂ​ടെ കാ​ണു​ന്ന സ്ഥി​തി​യി​ലേ​ക്കാ​ണ്​ ഇ​ന്ന്​ എ​ത്തി​യി​രി​ക്കു​ന്ന​തെ​ന്നും അ​ത്​ അ​പ​ക​ടം ചെ​യ്യു​മെ​ന്നും ജെ​യ്​​ബി ജോ​സ​ഫ്​ പ​റ​ഞ്ഞു.

കു​ട്ടി​ക​ളെ മു​ൻ​വി​ധി​ക​ളി​ല്ലാ​തെ, ഉ​പാ​ധി​ക​ളി​ല്ലാ​തെ കേ​ൾ​ക്കാ​ൻ ആ​ളു​ണ്ടാ​കു​ക​യാ​ണ്​ പ്ര​ധാ​ന​മെ​ന്ന്​ പാ​ർ​വ​തി വ​ത്സ​ല കൂ​ട്ടി​ച്ചേ​ർ​ത്തു. കു​ട്ടി​ക​ൾ പ്ര​ത്യേ​ക രീ​തി​യി​ൽ പെ​രു​മാ​റു​ക​യാ​ണെ​ങ്കി​ൽ പെ​ട്ടെ​ന്ന്​ എ​ന്ത്​ ചെ​യ്യാ​മെ​ന്ന്​ ര​ക്ഷി​താ​ക്ക​ൾ പ​ഠി​ച്ചു​വെ​ക്ക​ണ​മെ​ന്നും അ​വ​ർ പ​റ​ഞ്ഞു.

കു​ട്ടി​ക​ൾ​ക്ക്​ എ​ന്താ​ണ്​ പ്ര​ശ്ന​മെ​ന്ന്​ പ​റ​ഞ്ഞ്​ നി​സ്സാ​ര​വ​ത്​​ക​രി​ച്ച്​ കൗ​മാ​ര​ക്കാ​രു​ടെ വാ​ക്കു​ക​ൾ​ക്ക്​ കാ​തോ​ർ​ക്കാ​ത്ത സ​മൂ​ഹ​ത്തി​നെ കു​റി​ച്ച്​ സ​ദ​സ്സി​ന്‍റെ പ്ര​തി​നി​ധി​യാ​യെ​ത്തി​യ ​ജെ.​പി. ഭാ​ര​തി ഓ​ർ​മി​പ്പി​ച്ചു. കു​ട്ടി​ക​ൾ​ക്ക്​ പ്ര​ശ്ന​ങ്ങ​ളു​ണ്ടാ​യാ​ൽ കു​റ്റ​പ്പെ​ടു​ത്താ​തെ, ആ​വ​ശ്യ​മെ​ങ്കി​ൽ വി​ദ​ഗ്​​ധ സ​ഹാ​യം തേ​ടു​ക​യാ​ണ്​ വേ​ണ്ട​തെ​ന്ന്​ ചാ​റ്റി​ലെ​ത്തി​യ പ്ര​തി​നി​ധി​ക​ൾ കൂ​ട്ടി​ച്ചേ​ർ​ത്തു. അ​ശ്വ​തി ശ്രീ​കാ​ന്ത്​ മോ​ഡ​റേ​റ്റ​റാ​യി.