പഞ്ചാബ്: പാസഞ്ചർ ബസ് പാകിസ്ഥാൻ പഞ്ചാബിലെ ഇൻഡസ് ഹൈവേയിൽ ട്രക്കുമായി കൂട്ടിയിടിച്ച് 27 പേർ മരിച്ചു. 40 പേർക്ക് പരിക്കേറ്റു.സിയാൽകോട്ടിൽ നിന്ന് രാജൻപൂരിലേക്ക് പോകുകയായിരുന്ന ബസ് പഞ്ചാബിലെ ദേര ഖാസി ഖാൻ പ്രദേശത്താണ് അപകടത്തിൽപ്പെട്ടത്.
സംഭവത്തിൽ സ്ത്രീകളും കുട്ടികളും ഉൾപ്പെടെ 29 പേർ മരിച്ചതായി ഏരിയ കമ്മീഷണർ ഡോ. ഇർഷാദ് അഹമ്മദ് സ്ഥിരീകരിച്ചു. അപകടം നടന്നയുടനെ രക്ഷാപ്രവർത്തകർ സ്ഥലത്തെത്തിയതായും മൃതദേഹങ്ങളെയും പരിക്കേറ്റവരെയും ആശുപത്രിയിലേക്ക് മാറ്റിയെന്നും അദ്ദേഹം പറഞ്ഞു.പരിക്കേറ്റവരിൽ നാലുപേരുടെ നില ഗുരുതരമാണെന്ന് ആശുപത്രി മാനേജ്‌മെന്‍റ് അറിയിച്ചു.
അപകട മരണത്തിൽ ആഭ്യന്തരമന്ത്രി ഷെയ്ഖ് റാഷിദ് ദുഖം രേഖപ്പെടുത്തി. ബലിപെരുന്നാൾ അവധിക്ക്, നാട്ടിലേക്ക് മടങ്ങുന്നവർക്ക് ദുരന്തം സംഭവിച്ചതെന്നും മന്ത്രി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.