ഹ​മാ​സ് ബന്ദികളെ മടക്കിയത് സമ്മാനപ്പൊതികൾ നൽകി

ഗ​സ്സ സി​റ്റി: ഇ​സ്രാ​യേ​ൽ ബ​ന്ദി​ക​ളെ ഹ​മാ​സ് കൈ​മാ​റി​യ​ത് സ​മ്മാ​ന​പ്പൊ​തി​ക​ൾ ന​ൽ​കി. ബ​​ന്ദി​​ക​​ളാ​​യ ഡോ​​റ​​ൺ സ്റ്റെ​​യി​​ൻ ബ്ര​​ച്ച​​റി​നും എ​​മി​​ലി ദ​​മാ​​രി​ക്കും റോ​​മി ഗോ​​നെ​​നു​മാ​ണ് ഹ​മാ​സ് ഗി​ഫ്റ്റ് ബാ​ഗു​ക​ൾ സ​മ്മാ​നി​ച്ച​ത്. ഹ​മാ​സി​ന്റെ സാ​യു​ധ വി​ഭാ​ഗ​മാ​യ അ​ൽ ഖ​സ്സം ബ്രി​ഗേ​ഡ് പോ​രാ​ളി സ​മ്മാ​ന​പ്പൊ​തി കൈ​മാ​റു​ന്ന വി​ഡി​യോ സ​മൂ​ഹ മാ​ധ്യ​മ​ങ്ങ​ളി​ൽ വൈ​റ​ലാ​യി​രു​ന്നു. ബ​ന്ദി​ക​ളാ​യി​രു​ന്ന​പ്പോ​ൾ പ​ക​ർ​ത്തി​യ ഇ​വ​രു​ടെ ചി​ത്ര​ങ്ങ​ളും സ​ർ​ട്ടി​ഫി​ക്ക​റ്റു​ക​ളു​മാ​ണ് അ​ൽ ഖ​സ്സം ബ്രി​ഗേ​ഡി​​ന്റെ ചി​ഹ്നം ആ​ലേ​ഖ​നം ചെ​യ്ത പേ​പ്പ​ർ ബാ​ഗി​ലു​ള്ള​തെ​ന്ന് ഇ​സ്രാ​യേ​ലി​ലെ പ്രാ​ദേ​ശി​ക മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്തു.

ഹീ​ബ്രു​വി​ലും അ​റ​ബി​യി​ലും എ​ഴു​തി​യ പേ​പ്പ​റു​ക​ളു​ള്ള ഫോ​ൾ​ഡ​ർ ദ​​മാ​​രി ഏ​റ്റു​വാ​ങ്ങു​ന്ന ചി​ത്ര​ങ്ങ​ളും വി​ഡി​യോ​ക​ളും ഇ​തി​നൊ​പ്പം പു​റ​ത്തു​വ​ന്നി​ട്ടു​ണ്ട്. വ്യ​ക്തി വി​വ​ര​ങ്ങ​ൾ, ഇ​സ്രാ​യേ​ൽ ഐ​ഡി ന​മ്പ​ർ, അ​റ​സ്റ്റ് ചെ​യ്യ​പ്പെ​ട്ട സ്ഥ​ലം, വ​ർ​ഷം തു​ട​ങ്ങി​യ വി​വ​ര​ങ്ങ​ളാ​ണ് ഈ ​പേ​പ്പ​റി​ലു​ള്ള​ത്. അ​ൽ ഖ​സ്സം ബ്രി​ഗേ​ഡ് ക​മാ​ൻ​ഡ​റു​ടെ ഒ​പ്പോ​ടു​കൂ​ടി​യു​ള്ള പേ​പ്പ​റു​ക​ളാ​ണി​ത്. ​റെ​ഡ്ക്രോ​സി​ന്റെ നേ​തൃ​ത്വ​ത്തി​ൽ ഇ​സ്രാ​യേ​ൽ സൈ​ന്യ​ത്തി​നു കൈ​മാ​റി​യ​തി​നു ശേ​ഷം പ്രാ​ഥ​മി​ക പ​രി​ശോ​ധ​ന​ക്ക് നീ​ങ്ങു​ന്ന​തു വ​രെ മൂ​വ​രും ബാ​ഗു​ക​ൾ കൊ​ണ്ടു​ന​ട​ക്കു​ന്ന​താ​യി ഐ.​ഡി.​എ​ഫ് പു​റ​ത്തു​വി​ട്ട വി​ഡി​യോ​യി​ലു​ണ്ട്. 

ക​ഠി​ന​ദി​ന​ങ്ങ​ൾ ഓ​ർ​ത്തെ​ടു​ത്ത് മോ​ചി​ത​രാ​യ ത​ട​വു​കാ​ർ

ഗ​സ്സ: ആ​ദ്യ​ഘ​ട്ട വെ​ടി​നി​ർ​ത്ത​ൽ ക​രാ​റി​​ന്റെ ഭാ​ഗ​മാ​യി ഇ​സ്രാ​യേ​ൽ ജ​യി​ലു​ക​ളി​ൽ​നി​ന്ന് മോ​ചി​ത​രാ​യ ഫ​ല​സ്തീ​ൻ ത​ട​വു​കാ​ർ​ക്ക് പ​റ​യാ​നു​ണ്ടാ​യി​രു​ന്ന​ത് വേ​ദ​നാ​ജ​ന​ക​മാ​യ അ​നു​ഭ​വ​ങ്ങ​ൾ. തി​ങ്ക​ളാ​ഴ്ച രാ​വി​ലെ മോ​ചി​ത​രാ​യ ഇ​വ​ർ മാ​ധ്യ​മ​ങ്ങ​ളോ​ട് സം​സാ​രി​ക്ക​വേ​യാ​ണ് ത​ങ്ങ​ൾ അ​നു​ഭ​വി​ച്ച ക​ഠി​ന​മാ​യ അ​നു​ഭ​വ​ങ്ങ​ൾ വി​വ​രി​ച്ച​ത്.

പ്രാ​യ​മാ​യ ത​ട​വു​കാ​ർ​ക്ക് പോ​ലും അ​വ​ശ്യ മ​രു​ന്നു​ക​ൾ നി​ഷേ​ധി​ച്ച​താ​യി ജ​യി​ൽ മോ​ചി​ത​നാ​യ ആ​ദം അ​ൽ ഹ​ദ്റ എ​ന്ന ത​ട​വു​കാ​ര​ൻ പ​റ​ഞ്ഞു. ഇ​സ്രാ​യേ​ൽ സേ​ന വീ​ട്ടി​ൽ​നി​ന്നാ​ണ് ഇ​ദ്ദേ​ഹ​ത്തെ അ​റ​സ്റ്റ് ചെ​യ്ത​ത്. ത​ന്റെ ജ​യി​ൽ​വാ​സം അ​ങ്ങേ​യ​റ്റം ക​ഠി​ന​മാ​യി​രു​ന്നെ​ന്ന് അ​ദ്ദേ​ഹം പ​റ​ഞ്ഞു. ഔ​പ​ചാ​രി​ക ശി​ക്ഷ ല​ഭി​ക്കാ​തെ ആ​റു മാ​സം ഇ​സ്രാ​​യേ​ൽ ജ​യി​ലി​ൽ ക​ഴി​യേ​ണ്ടി വ​ന്ന​താ​യി മ​റ്റൊ​രു ത​ട​വു​കാ​രി​യാ​യ ശൈ​മ ഉ​മ​ർ റ​മ​ദാ​ൻ പ​റ​ഞ്ഞു. മോ​ചി​ത​രാ​കു​ന്ന ത​ട​വു​കാ​രു​ടെ ആ​ദ്യ സം​ഘ​ത്തി​ൽ താ​ൻ ഉ​ൾ​പ്പെ​ട്ടി​ട്ടു​ണ്ടെ​ന്ന് മോ​ചി​പ്പി​ക്ക​പ്പെ​ട്ട ദി​വ​സം മാ​ത്ര​മാ​ണ് അ​റി​ഞ്ഞ​തെ​ന്ന് അ​വ​ർ പ​റ​ഞ്ഞു.

ത​ന്റെ ര​ണ്ടാ​മ​ത്തെ ത​ട​വ് ജീ​വി​ത​ത്തെ​ക്കു​റി​ച്ചാ​ണ് സ​മ ഹി​ജാ​വി​ക്ക് പ​റ​യാ​നു​ണ്ടാ​യി​രു​ന്ന​ത്. ഈ ​സ​മ​യ​ത്ത് വി​വി​ധ ത​ര​ത്തി​ലു​ള്ള പീ​ഡ​ന​ങ്ങ​ളും മോ​ശം പെ​രു​മാ​റ്റ​ങ്ങ​ളും നേ​രി​ടേ​ണ്ടി​വ​ന്നു. 

ചെങ്കടലിൽ കപ്പലുകൾ ആക്രമിക്കില്ലെന്ന് ഹൂതികൾ

സ​ൻ​ആ: ഗ​സ്സ വെ​ടി​നി​ർ​ത്ത​ൽ ക​രാ​ർ നി​ല​വി​ൽ വ​ന്ന​തോ​ടെ ഇ​സ്രാ​യേ​ൽ ബ​ന്ധ​മു​ള്ള ക​പ്പ​ലു​ക​ൾ ല​ക്ഷ്യ​മി​ട്ടു​ള്ള ആ​ക്ര​മ​ണം അ​വ​സാ​നി​പ്പി​ക്കു​ക​യാ​ണെ​ന്ന് യ​മ​ൻ ആ​സ്ഥാ​ന​മാ​യ ഹൂ​തി വി​മ​ത​ർ. ഷി​പ്പി​ങ് ക​മ്പ​നി​ക​ൾ​ക്ക് അ​യ​ച്ച ഇ-​മെ​യി​ൽ സ​ന്ദേ​ശ​ത്തി​ലാ​ണ് ഹൂ​തി​ക​ളു​ടെ മാ​നു​ഷി​ക പ്ര​വ​ർ​ത്ത​ന ഏ​കോ​പ​ന കേ​ന്ദ്രം ഇ​ക്കാ​ര്യം അ​റി​യി​ച്ച​ത്. ഇ​തു​സം​ബ​ന്ധി​ച്ച് ഹൂ​തി സൈ​ന്യം ഔ​ദ്യോ​ഗി​ക ​പ്ര​സ്താ​വ​ന​യും ന​ട​ത്തി.

ഇ​സ്രാ​യേ​ൽ ഗ​സ്സ അ​ധി​നി​വേ​ശ​വും യു.​എ​സും ബ്രി​ട്ട​നും ഇ​സ്രാ​യേ​ലും യ​മ​ൻ ആ​ക്ര​മ​ണ​വും നി​ർ​ത്തി​യാ​ൽ നാ​വി​ക, ച​ര​ക്കു​ക​പ്പ​ലു​ക​ൾ ല​ക്ഷ്യ​മി​ടു​ന്ന​ത് അ​വ​സാ​നി​പ്പി​ക്കു​മെ​ന്ന് ക​ഴി​ഞ്ഞ ദി​വ​സം ഹൂ​തി​ക​ളു​ടെ വ​ക്താ​വ് മു​ഹ​മ്മ​ദ് അ​ൽ ബു​ഖൈ​തി അ​ൽ ജ​സീ​റ​യോ​ട് പ​റ​ഞ്ഞി​രു​ന്നു.

ഗ​സ്സ​യി​ൽ ഇ​സ്രാ​യേ​ൽ വം​ശ​ഹ​ത്യ തു​ട​ങ്ങി​യ​തി​ന് പി​ന്നാ​ലെ 2023 ന​വം​ബ​റി​ലാ​ണ് ഹൂ​തി​ക​ൾ ചെ​ങ്ക​ട​ലി​ൽ സ​ഞ്ച​രി​ച്ച ക​പ്പ​ലു​ക​ൾ ല​ക്ഷ്യ​മി​ട്ട​ത്. 100 ഓ​ളം ച​ര​ക്കു​ക​പ്പ​ലു​ക​ൾ ഹൂ​തി​ക​ൾ ആ​ക്ര​മി​ച്ച​താ​യാ​ണ് ക​ണ​ക്ക്. ഡ്രോ​ണു​ക​ളും മി​സൈ​ലു​ക​ളും ഉ​പ​യോ​ഗി​ച്ചാ​യി​രു​ന്നു ആ​ക്ര​മ​ണം. ഒ​രു ക​പ്പ​ൽ പി​ടി​ച്ചെ​ടു​ക്കു​ക​യും മ​റ്റു ര​ണ്ടെ​ണ്ണം ക​ട​ലി​ൽ മു​ക്കു​ക​യും ചെ​യ്തു. ചെ​ങ്ക​ട​ലി​ൽ സ​ഞ്ച​രി​ച്ച ക​പ്പ​ലു​ക​ൾ​ക്ക് പു​റ​മെ, ഇ​സ്രാ​യേ​ൽ ന​ഗ​ര​ങ്ങ​ൾ ല​ക്ഷ്യ​മി​ട്ടും ഹൂ​തി​ക​ൾ മി​സൈ​ലു​ക​ൾ പ്ര​യോ​ഗി​ച്ചി​രു​ന്നു. ​