ഉത്തര കൊറിയയെ ചർച്ചക്കു ക്ഷണിച്ച്​ ദക്ഷിണ കൊറിയ 

സോ​ൾ: അ​തി​ർ​ത്തി​യി​ൽ സം​ഘ​ർ​ഷം തു​ട​രു​ന്ന ഇ​രു കൊ​റി​യ​ക​ൾ​ക്കു​മി​ട​യി​ൽ മ​ഞ്ഞു​രു​ക്ക​ത്തി​ന്​ വ​ഴി​യൊ​രു​ക്കി ഉ​ഭ​യ​ക​ക്ഷി ച​ർ​ച്ച​ക​ൾ​ക്ക്​ ക്ഷ​ണം. അ​ടു​ത്തി​ടെ ഭൂ​ഖ​ണ്ഡാ​ന്ത​ര മി​സൈ​ൽ പ​രീ​ക്ഷി​ച്ച്​ മേ​ഖ​ല​യെ യു​ദ്ധാ​ന്ത​രീ​ക്ഷ​ത്തി​ലേ​ക്ക്​ ന​യി​ച്ച ഉ​ത്ത​ര കൊ​റി​യ​യെ അ​യ​ൽ​രാ​ജ്യ​മാ​യ ദ​ക്ഷി​ണ ​കൊ​റി​യ​യാ​ണ്​ സ​മാ​ധാ​ന ച​ർ​ച്ച​ക​ൾ​ക്ക്​ ക്ഷ​ണി​ച്ച​ത്. ര​ണ്ടു മാ​സം മു​മ്പ്​ അ​ധി​കാ​ര​മേ​റ്റ മി​ത​വാ​ദി​യാ​യ പ്ര​സി​ഡ​ൻ​റ്​ മൂ​ൺ ജെ ​ഇ​ൻ ഇ​ട​പെ​ട്ടാ​ണ്​ ഇ​രു​രാ​ജ്യ​ങ്ങ​ളെ​യും വീ​ണ്ടും സ​മാ​ധാ​ന​ത്തി​​െൻറ വ​ഴി​യി​ലെ​ത്തി​ക്കാ​ൻ നീ​ക്ക​ങ്ങ​ൾ​ക്ക്​ തു​ട​ക്ക​മി​ടു​ന്ന​ത്.

പ​ര​സ്​​പ​രം ശ​ത്രു​ത​യു​ടെ വ​ഴി മ​റ​ക്കാ​ൻ ഇൗ ​മാ​സം 21ന്​ ​സൈ​നി​ക​ത​ല ച​ർ​ച്ച​ക​ൾ ന​ട​ത്താ​മെ​ന്നും 1950​ക​ളി​ലെ യു​ദ്ധ​ത്തോ​ടെ ഇ​രു രാ​ജ്യ​ങ്ങ​ളി​ൽ കു​ടു​ങ്ങി​യ​വ​രു​ടെ പു​നഃ​സ​മാ​ഗ​മ​ത്തി​ന്​ അ​വ​സ​ര​മൊ​രു​ക്കാ​മെ​ന്നും ദ​ക്ഷി​ണ കൊ​റി​യ​ൻ പ്ര​തി​രോ​ധ ഉ​പ​മ​ന്ത്രി സു ​ചൂ സു​ക്​ പ​റ​ഞ്ഞു. ച​ർ​ച്ച​യു​ടെ ഒ​ന്നാം ഘ​ട്ടം ഉ​ത്ത​ര കൊ​റി​യ​ൻ അ​തി​ർ​ത്തി ഗ്രാ​മ​മാ​യ പ​ൻ​മു​ൻ​ജോ​മി​ൽ തോ​ങ്ങി​ലാ​ക്​ കെ​ട്ടി​ട​ത്തി​ൽ ന​ട​ത്ത​ണ​മെ​ന്നാ​ണ്​ ആ​വ​ശ്യം. കൊ​റി​യ​ൻ യു​ദ്ധം അ​വ​സാ​നി​പ്പി​ച്ച്​ വെ​ടി​നി​ർ​ത്ത​ൽ പ്ര​ഖ്യാ​പി​ച്ച​ത്​ ഇൗ ​കെ​ട്ടി​ട​ത്തി​ൽ​വെ​ച്ചാ​യി​രു​ന്നു. ഇ​രു രാ​ജ്യ​ങ്ങ​ൾ​ക്കു​മി​ട​യി​ൽ സ​മാ​ധാ​ന ച​ർ​ച്ച​ക​ൾ ന​ട​ന്ന​ത്​ 2015 ഡി​സം​ബ​റി​ലാ​യി​രു​ന്നു.

അ​തി​ർ​ത്തി​യി​ലെ കു​ടും​ബ​ങ്ങ​ളു​ടെ പു​നഃ​സ​മാ​ഗ​മ​ത്തി​ന്​ വ​ഴി​യൊ​രു​ക്കി ദ​ക്ഷി​ണ കൊ​റി​യ​ൻ റെ​ഡ്​​ക്രോ​സ്​ ച​ർ​ച്ച​ക​ൾ​ക്ക്​ നേ​ര​ത്തേ തു​ട​ക്ക​മി​ട്ടി​രു​ന്നു.