ബെയ്ജിങ്: ടിയാനന്മെന് സ്ക്വയര് പ്രക്ഷോഭത്തിെൻറ പ്രതീകമായി മാറിയ ടാങ്ക് മാന് എന്ന ചിത്രം പകര്ത്തിയ പ്രശസ്ത ഫോട്ടോഗ്രാഫര് ചാര്ലി കോള് അന്തരിച്ചു. ഇന്തോനേഷ്യയി ലെ ബാലിയില് കഴിഞ്ഞാഴ്ചയാണ് അന്ത്യം സംഭവിച്ചതെന്ന് അന്താരാഷ്ട്ര മാധ്യമങ്ങള് റിപ്പോര്ട്ട് ചെയ്തു. 64 വയസ്സായിരുന്നു. നിരയായി നീങ്ങുന്ന പട്ടാള ടാങ്കുകള്ക്കു മുന്നില് നിരായുധനായി നിന്ന് തടസ്സം സൃഷ്ടിക്കുന്ന യുവാവിെൻറ ചിത്രമാണ് കോള് പകര്ത്തിയത്. കോളിന് 1990ൽ ലോക പ്രസ് ഫോട്ടോ അവാര്ഡ് ഈ ചിത്രം നേടിക്കൊടുത്തു.
1989 ജൂണ് അഞ്ചിനായിരുന്നു ഇത്. ടിയാനന്മെന് സ്ക്വയറില് മൂവായിരത്തോളം പ്രക്ഷോഭകരെ കൊലപ്പെടുത്തിയ സംഭവത്തിന് പിറ്റേ ദിവസമാണ് ചിത്രം പകര്ത്തിയത്. ജനാധിപത്യ പ്രക്ഷോഭങ്ങളുടെ ചിഹ്നമായി ഈ ചിത്രം മാറി. ന്യൂസ് വീക്കിനു വേണ്ടിയാണ് ചാര്ലി കോള് ചിത്രമെടുത്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.