ഭാ​സ്വ​തി ഘോ​ഷി​​ന്റെ ക​വി​ത​ക​ൾ

1. അ​ടു​ക്ക​ള

ഒ​രു വ​ർ​ഷ​ത്തോ​ള​മോ

അ​തി​ലു​മേ​റെ​യോ കാ​ലം

എ​​ന്റെ അ​മ്മൂ​മ്മ​ക്ക്

അ​ടു​ക്ക​ള ഉ​ണ്ടാ​യി​രു​ന്നി​ല്ല.

അ​പ്പോ​ൾ അ​വ​ർ എ​​ന്റെ

അ​മ്മൂ​മ്മ ആ​യി​ട്ടു​ണ്ടാ​യി​രു​ന്നു​മി​ല്ല.

അ​ക്കാ​ല​ത്ത് വി​ര​മി​ച്ച ഭ​ർ​ത്താ​വും

താ​ളം​തെ​റ്റു​ന്ന കു​ടും​ബ​വ​രു​മാ​ന​വും

അ​വ​രു​ടെ ക​ലം​ ച​ട്ടി​ക​ളെ

പു​തു​താ​യി വാ​ട​ക​ക്കെ​ടു​ത്ത

ഒ​റ്റ​മു​റി​ കു​ടി​ലി​​ന്റെ

മു​റ്റ​ത്തേ​ക്കെ​ത്തി​ച്ചു.

അ​വ​ർ ത​യാ​റാ​ക്കി​യി​രു​ന്ന

കൂ​ട്ടാ​ൻ ചാ​റി​ൽ മ​ഴ​വെ​ള്ളം ക​ല​ർ​ന്നു.

ക​ണ്ണു​നീ​ർ

മ​റ്റൊ​രു ദി​വ​സ​ത്തേക്കും

കാ​ല​ത്തേ​ക്കു​മാ​യി

അ​വ​ർ ക​രു​തി​വെ​ച്ചു.

അ​വ​ർ​ക്ക​പ്പോ​ഴും നാ​ളെ​ക​ളു​ടെ

പ്ര​തീ​ക്ഷ​യു​ണ്ടാ​യി​രു​ന്നു.

അ​വ​ർ​ക്ക​പ്പോ​ൾ ന​ഷ്ട​പ്പെ​ട്ടി​രു​ന്ന​ത്

ഒ​ര​ടു​ക്ക​ള മാ​ത്ര​മാ​യി​രു​ന്നു.

ദ​ശാ​ബ്ദ​ങ്ങ​ൾ​ക്കു​ ശേ​ഷം,

സ്വ​ന്ത​മാ​യി വീ​ടു​വെ​ച്ച​പ്പോ​ഴേ​ക്കും

അ​വ​ർ​ക്ക് കു​റെ​യേ​റെ

ന​ഷ്ട​ങ്ങ​ൾ സം​ഭ​വി​ച്ചി​രു​ന്നു.

നി​ഷ്ഠുര​മാ​യ ഇ​ന്നു​ക​ൾ​ക്കു​മേ​ൽ

നാ​ളെ​ക​ൾ കു​മി​ഞ്ഞു​കി​ട​ന്നു;

അ​വ​രു​ടെ വ​ര​ണ്ട ക​ൺ​ത​ട​ങ്ങ​ളി​ൽ

അ​വ പ​ട​ർ​ന്നു​ക​യ​റി.

പ​ക്ഷേ, അ​പ്പോ​ൾ അ​വ​ർ​ക്ക്

ഒ​ര​ടു​ക്ക​ള ഉ​ണ്ടാ​യി​രു​ന്നു–

അ​വ​രു​ടെ കൈ​വ​ശ​മു​ണ്ടാ​യി​രു​ന്ന

മൂ​ന്നേ​കാ​ൽ സെ​ന്റ് ഭൂ​മി​യു​ടെ

ഒ​രു കീ​റി​ൽ,

അ​ൽപ​മാ​ത്രം സൂ​ര്യ​പ്ര​കാ​ശം വീ​ഴു​ന്ന ഒ​ന്ന്.

അ​വി​ടെ​യാ​ണ​വ​ർ സ്വ​ന്തം ആ​ന​ന്ദ​ങ്ങ​ളാ​ൽ

എ​​ന്റെ ബാ​ല്യ​ത്തെ അ​ല​ങ്ക​രി​ച്ചി​രു​ന്ന​ത്.

മ​ധു​ര​ദ്ര​വ​ങ്ങ​ൾ. എ​രി​വു​ക​ൾ.

പ​ഴു​ക്കാ​ത്ത അ​മ്പ​ഴ​ങ്ങ​പോ​ലു​ള്ള

തീ​ക്ഷ്ണ​രു​ചി​ക​ൾ.

പി​ന്നെ ബാ​ലി​കാ​ കു​സൃ​തി​ക​ളും.

പാ​ച​ക​യി​ട​ത്തി​​ന്റെ ഒ​രു പാ​ദു​ക​പ്പെ​ട്ടി​ക്ക​ക​ത്ത്

അ​വ​ർ ച​രി​ത്രം ക​ഷ്ണി​ക്കു​ക​യും

കൂ​ട്ടി​ച്ചേ​ർ​ക്കു​ക​യും ചെ​യ്തു.

തു​റ​ന്ന മു​റ്റ​ത്ത്

ഇ​റ്റു​വീ​ഴു​ന്ന മ​ഴ​ത്തു​ള്ളി​ക​ൾ ക​ല​രാ​ത്ത,

വൈ​ദ​ഗ്ധ്യ​ത്തോ​ടെ ത​യാ​റാ​ക്കി​യ

കൂ​ട്ടാ​ൻ​ചാ​റു​ക​ളു​ടെ

ഭൂ​പ​ട​ര​ഹി​ത​മാ​യ സാ​ഗ​ര​ങ്ങ​ളി​ൽ

അ​വ​ർ ഭൂ​മി​പ്ര​കൃ​തി​ക​ൾ

ഇ​ള​ക്കി​ച്ചേ​ർ​ത്തു.

2. എ​ന്താ​ണ് നീ ​വ​രാ​ത്ത​ത്?

മു​റ​ത്തി​​ന്റെ മ​റ​യി​ലൂ​ടെ

ചി​ല പ്ര​ദേ​ശ​ങ്ങ​ളി​ൽ

ന​വ​വ​ധു​ക്ക​ൾ നി​ലാ​വ്

പി​ടി​ച്ചെ​ടു​ക്കും.

ഭ​ർ​ത്താ​വി​​ന്റെ ദീ​ർ​ഘാ​യു​സ്സി​നാ​യു​ള്ള

അ​നു​ഷ്ഠാ​ന​പ​ര​മാ​യ നി​ക്ഷേ​പം.

വീ​ടു​വി​ട്ടി​റ​ങ്ങി​യ​പ്പോ​ൾ

അ​മ്മൂ​മ്മ ക​ണ്‍പീ​ലി​ക​ൾ​ക്കു​ള്ളി​ൽ

ഒ​രു ന​ദി ഒ​ളി​ച്ചു​ക​ട​ത്തി.

അ​തി​നെ സു​ഗ​ന്ധ​യെ​ന്നു വി​ളി​ച്ചു.

സു- ​ഗ​ന്ധ- ന​റു​മ​ണ​മു​ള്ള​ത്.

ക​ണ്ണീ​ർ പൊ​ഴി​ക്കു​മ്പോ​ഴെ​ല്ലാം

അ​വ​ർ​ക്കു​ ചു​റ്റു​മു​ള്ള വാ​യു​വി​ൽ

അ​വ​ർ​ക്ക് ന​ദി​യെ മ​ണ​ക്കാം–

അ​തി​നാ​ണു പു​ഴ​യെ മോ​ഷ്ടി​ച്ച​ത്.

മ​റ​വി​ക്കെ​തി​രെ​യു​ള്ള

ക​രു​ത​ൽ​നി​ക്ഷേ​പം.

അ​വ​രു​ടെ പു​തി​യ വീ​ടി​ന​ടു​ത്ത്

ജ​ല​മേ ഇ​ല്ലാ​യി​രു​ന്നു.

അ​മ്മൂ​മ്മ​യു​ടെ അ​മ്മ​വീ​ടി​രു​ന്ന

ജാ​ലോ​ക​തി​യി​ൽ

മു​മ്പെ​ന്ന​പോ​ലെ

സു​ഗ​ന്ധ ഒ​ഴു​കി​ക്കൊ​ണ്ടി​രു​ന്നു.

അ​തി​​ന്റെ ത​ണു​പ്പി​ൽനി​ന്ന്

ക​നാ​ലു​ക​ൾ ഇ​ഴ​പി​രി​ഞ്ഞു.

ദാ​ഹാ​ർ​ത്ത​രാ​യ വ​ഴി​പോ​ക്ക​ർ​ക്ക്

ശ​മ​ന​മാ​യി അ​തി​​ന്റെ

വി​സ്തൃ​ത​മാ​യ ജ​ല​നീ​ലി​മ.

ഹ​രി​താ​ഭ​മാ​യ സ്വ​പ്‌​ന​സ്ഥ​ലി​ക​ൾ

ജ​ല​ത്തെ അ​തി​​ന്റെ കോ​ഷ്ഠ​ക​ങ്ങ​ളി​ൽ

പി​ടി​ച്ചു​നി​ർ​ത്തി.

അ​സ്ഥി​മാ​ത്ര​മാ​യ, ദൃ​ഢ​മാ​യ,

പൊ​ങ്ങി​ക്കി​ട​ക്കു​ന്ന ഒ​രു മു​ള​മ്പാ​ലം

നി​ശ്ചി​ന്ത​മാ​യ അ​തി​​ന്റെ ഒ​ഴു​ക്കി​ന്

ഒ​രു ഖ​ണ്ഡി​കാ​ വി​രാ​മ​മി​ട്ട്

അ​വി​ടെ നി​ന്നു.

ഒ​രു മീ​ൻ​പി​ടി​ത്ത​ക്കാ​രന്റെ വീ​ട്ട​രി​കി​ൽ

പെ​ൺ​കു​ട്ടി​ക​ൾ ക​ളി​വ​ഞ്ചി​ക​ൾ വ​ലി​ച്ചു.

അ​വ​രു​ടെ കു​സൃ​തി​ച്ചി​രി​ക​ൾ

ന​ദി​യു​ടെ ഓ​ള​ങ്ങ​ൾ​ക്കു​ മേ​ൽ

ചി​ത​റി​പ്പോ​യി.

സു​ഗ​ന്ധ​യെ​ക്കു​റി​ച്ചു​ള്ള ഒ​രു വീ​ഡി​യോ​യി​ൽ

മ​ക​ളു​ടെ മു​ടി ചീ​കി​ക്കെ​ട്ടു​ന്ന

ഒ​ര​മ്മ​യെ ഞാ​ൻ കാ​ണു​ന്നു.

എ​നി​ക്കു മ​ന​സ്സി​ലാ​കും​ മു​മ്പ്

ആ ​മ​ക​ൾ​ക്ക് എ​​ന്റെ അ​മ്മൂ​മ്മ​യു​ടെ

രൂ​പ​മാ​യി​ത്തീ​രു​ന്നു;

അ​വ​ർ ഒ​രു ഗീ​ത​മാ​യി ചി​ത​റി​പ്പോ​കു​ന്നു.

അ​വ​ർ ചോ​ദി​ക്കു​ന്നു:

‘‘നീ​യെ​ന്താ​ണ് ഞ​ങ്ങ​ളു​ടെ വീ​ട്ടി​ലേ​ക്ക്

ഒ​രി​ക്ക​ലും വ​രാ​ത്ത​ത്?’’

(മൊഴിമാറ്റം: പി.എസ്​. മനോജ്​ കുമാർ)

==========

ഭാ​സ്വ​തി ഘോ​ഷ്

ക​ഥ, ക​വി​ത, ലേ​ഖ​ന​ങ്ങ​ൾ എ​ന്നി​വ എ​ഴു​തു​ക​യും വി​വ​ർ​ത്ത​നം ചെ​യ്യു​ക​യും ചെ​യ്യു​ന്നു. ‘Victory Colony, 1950’ ആ​ദ്യ​ നോ​വ​ൽ. ‘My Days with Ramkinkar Baij’ ബം​ഗാ​ളി​യി​ൽനി​ന്നു​ള്ള ആ​ദ്യ വി​വ​ർ​ത്ത​ന​ കൃ​തി.