ചെ​ന്നൈ: ഇ​ള​മു​റ​ക്കാ​ർ ക​രു​ത്തു​കാ​ട്ടി​യ ഒ​ന്നാം ട്വ​ന്റി20​യി​ലെ ത​ക​ർ​പ്പ​ൻ ജ​യം ന​ൽ​കി​യ ആ​വേ​ശം തു​ട​രാ​ൻ ടീം ​ഇ​ന്ത്യ ഇ​ന്ന് ചെ​പ്പോ​ക്കി​ൽ. വെ​റ്റ​റ​ൻ പേ​സ​ർ മു​ഹ​മ്മ​ദ് ഷ​മി​യു​ടെ ഫി​റ്റ്ന​സ് ആ​ധി​ക​ൾ തു​ട​രു​ന്ന​തി​നി​ടെ അ​ഞ്ചു മ​ത്സ​ര​ങ്ങ​ള​ട​ങ്ങി​യ പ​ര​മ്പ​ര​യി​ൽ നേ​ര​ത്തേ മേ​ൽ​ക്കൈ ഉ​റ​പ്പി​ക്കു​ക​യെ​ന്ന ല​ക്ഷ്യ​ത്തോ​ടെ​യാ​ണ് ടീം ​ഇ​റ​ങ്ങു​ന്ന​ത്. രാ​ത്രി ഏ​ഴു​മ​ണി​ക്കാ​ണ് മ​ത്സ​രം. അ​ഭി​ഷേ​കി​ന്റെ മാ​ര​ക ബാ​റ്റി​ങ് ക​രു​ത്താ​ക്കി ഈ​ഡ​ൻ ഗാ​ർ​ഡ​ൻ​സി​ൽ ആ​ദ്യ ട്വ​ന്റി20 ഏ​ഴു വി​ക്ക​റ്റി​ന് ഇ​ന്ത്യ ജ​യി​ച്ചി​രു​ന്നു. ഷ​മി ക​ളി​ക്കു​മെ​ന്ന പ്ര​തീ​ക്ഷ പ​ക​ർ​ന്ന് ​നെ​റ്റ്സി​ൽ ഏ​റെ​നേ​രം പ​രി​ശീ​ല​നം ന​ട​ത്തി​യി​രു​ന്നെ​ങ്കി​ലും അ​വ​സാ​ന​നി​മി​ഷം ആ​ദ്യ ഇ​ല​വ​നി​ൽ​നി​ന്ന് പു​റ​ത്താ​കു​ക​യാ​യി​രു​ന്നു. ഇ​ന്നും ഇ​റ​ങ്ങ​ണ​മെ​ങ്കി​ൽ ഫി​റ്റ്ന​സ് ക​ട​മ്പ പി​ന്നി​ട​ണം. ഷ​മി​യു​ടെ അ​ഭാ​വം വെ​ല്ലു​വി​ളി​യാ​കു​മെ​ന്ന് തോ​ന്നി​ച്ച മ​ത്സ​ര​ത്തി​ൽ പ​ക​ര​ക്കാ​ര​ൻ അ​ർ​ഷ്ദീ​പ് മി​ക​ച്ച പ്ര​ക​ട​നം പു​റ​ത്തെ​ടു​ത്ത​ത് ആ​ശ്വാ​സം ന​ൽ​കു​ന്ന​താ​ണ്. സ്പി​ന്ന​ർ വ​രു​ൺ ച​ക്ര​വ​ർ​ത്തി​കൂ​ടി ചേ​ർ​ന്ന് ഇം​ഗ്ല​ണ്ടി​നെ എ​റി​ഞ്ഞി​ട്ടാ​ണ് അ​തി​വേ​ഗം ആ​തി​ഥേ​യ​ർ വി​ജ​യ​തീ​ര​മ​ണ​ഞ്ഞ​ത്.

ഈ​ഡ​ൻ ഗാ​ർ​ഡ​ൻ​സ് സ്പി​ന്നി​നും പേ​സി​നും ഒ​രു​പോ​ലെ അ​നു​ഗു​ണ​മാ​ണെ​ങ്കി​ൽ സ്പി​ന്ന​ർ​മാ​രെ തു​ണ​ക്കു​ന്ന​താ​ണ് ചെ​ന്നൈ​യി​ലെ ചെ​പ്പോ​ക്ക് സ്റ്റേ​ഡി​യം. വ​രു​ൺ ച​ക്ര​വ​ർ​ത്തി​ക്ക് പു​റ​മെ ഉ​പ​നാ​യ​ക​ൻ അ​ക്സ​ർ പ​ട്ടേ​ലും ര​വി ബി​ഷ്‍ണോ​യി​യും ചേ​ർ​ന്ന​താ​ണ് ഇ​ന്ത്യ​ൻ സ്പി​ൻ ത്ര​യം. ഇം​ഗ്ലീ​ഷ് ഇ​ല​വ​നി​ൽ ആ​ദി​ൽ റാ​ശി​ദും ലി​യാം ലി​വി​ങ്സ്റ്റോ​ണു​മു​ണ്ടാ​കും.

അ​ഭി​ഷേ​ക്- സ​ഞ്ജു കൂ​ട്ടു​കെ​ട്ട്

ക​ഴി​ഞ്ഞ ക​ളി​യി​ൽ ജൊ​ഫ്ര ആ​ർ​ച്ച​റൊ​ഴി​കെ ആ​രെ​യും വെ​റു​തെ​വി​ടാ​തെ പ്ര​ഹ​രി​ച്ച അ​ഭി​ഷേ​കും ഏ​റെ​യൊ​ന്നും നീ​ണ്ടു​നി​ന്നി​ല്ലെ​ങ്കി​ലും വെ​ടി​ക്കെ​ട്ടു​മാ​യി വി​രു​ന്നൂ​ട്ടി​യ സ​ഞ്ജു സാം​സ​ണും ഇ​വി​ടെ​യും ഇ​ന്ത്യ​ൻ ബാ​റ്റി​ങ്ങി​നെ ന​യി​ക്കു​ന്ന​വ​രാ​കു​മെ​ന്നാ​ണ് ക​ണ​ക്കു​കൂ​ട്ട​ൽ. ഓ​പ​ണി​ങ്ങി​ൽ അ​ഭി​ഷേ​കും സ​ഞ്ജു​വും ചേ​ർ​ന്ന കൂ​ട്ടു​കെ​ട്ടി​ൽ ഇ​രു​വ​രും ഒ​ന്നി​​ച്ചി​ല്ലെ​ങ്കി​ൽ ഒ​രാ​ളെ​ങ്കി​ലും ബാ​റ്റി​ങ്ങി​ന്റെ നെ​ടും​തൂ​ണാ​ക​ണം. ആ​ദ്യ ട്വ​ന്റി20​യി​ൽ 230 ശ​രാ​ശ​രി​യി​ലാ​യി​രു​ന്നു അ​ഭി​ഷേ​കി​ന്റെ ബാ​റ്റി​ങ്. മ​റു​വ​ശ​ത്ത്, ക​ഴി​ഞ്ഞ ആ​റ് ഇ​ന്നി​ങ്സു​ക​ളി​ൽ മൂ​ന്ന് സെ​ഞ്ച്വ​റി​യ​ടി​ച്ചാ​ണ് സ​ഞ്ജു​വി​ന്റെ നി​ൽ​പ്. ഇ​ടം​കൈ​യ​ൻ- വ​ലം​കൈ​യ​ൻ ജോ​ടി​ക​ളെ​ന്ന സ​വി​ശേ​ഷ​ത​യു​മു​ണ്ട്. ഫി​ൽ സാ​ൾ​ട്ടും ബെ​ൻ ഡ​ക്ക​റ്റും ചേ​ർ​ന്ന ഇം​ഗ്ലീ​ഷ് ഓ​പ​ണി​ങ് കൂ​ട്ടു​കെ​ട്ട് ക​ഴി​ഞ്ഞ ക​ളി​യി​ൽ അ​തി​വേ​ഗം പി​രി​ഞ്ഞി​രു​ന്നു.

ടീ​മി​ൽ ഇ​ത്ത​വ​ണ കാ​ര്യ​മാ​യ മാ​റ്റ​ങ്ങ​ളു​ണ്ടാ​കി​ല്ലെ​ന്നാ​ണ് സൂ​ച​ന. ഷ​മി തി​രി​ച്ചു​വ​ന്നാ​ൽ നി​തീ​ഷ് കു​മാ​ർ റെ​ഡ്ഡി പു​റ​ത്താ​കും. ഇം​ഗ്ല​ണ്ട് സ്പി​ന്ന​റാ​യ റി​ഹാ​ൻ അ​ഹ്മ​ദി​നെ​യും ഉ​ൾ​പ്പെ​ടു​ത്തി​യേ​ക്കും. ക​ഴി​ഞ്ഞ ക​ളി​യി​ൽ സ​ഞ്ജു ന​ന്നാ​യി പ്ര​ഹ​രി​ച്ച ഗു​സ് അ​റ്റ്കി​ൻ​സ​ണ് പ​ക​രം പേ​സ​ർ ബ്രൈ​ഡ​ൻ കാ​ർ​സ് എ​ത്തി​യേ​ക്കും. ജേ​ക്ക​ബ് ബെ​ഥ​ൽ രോ​ഗ​ബാ​ധ​യെ​തു​ട​ർ​ന്ന് വി​ശ്ര​മ​ത്തി​ലാ​യ​തി​നാ​ൽ ജാ​മി സ്മി​ത്തും ഇ​റ​ങ്ങും.