കുമ്പള: ഉളുവാർപുഴയിൽ മീൻ പിടിക്കുന്നതിനിടെ നാരമ്പാടി സ്വദേശി മുങ്ങിമരിച്ചു. നാരമ്പാടിയിലെ കൊറഗപ്പ (52)യാണ് മുങ്ങിമരിച്ചത്.
ബന്ധുവായ ഉദയ, സുഹൃത്തുക്കളായ രവി, ഭാസ്കര എന്നിവരോടൊപ്പമാണ് കൊറഗപ്പ മീൻ പിടിക്കാൻ എത്തിയത്. ശനിയാഴ്ച ഉച്ചയോടെ ഉളുവാർ പുഴയിലെത്തിയ സംഘം രണ്ടു മണിയോടെ കൊറഗപ്പ മുങ്ങിയതായി പരിസരവാസികളെ അറിയിക്കുകയായിരുന്നു.
നാട്ടുകാരും ഫയർഫോഴ്സും സ്ഥലത്തെത്തി തെരച്ചിൽ ആരംഭിച്ചു. നാലു മണിയോടെ മൃതദേഹം കണ്ടെത്തുകയായിരുന്നു. മൃതദേഹം മഞ്ചേശ്വരം താലൂക്കാശുപത്രി മോർച്ചറിയിലേക്ക് മാറ്റി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.