പാതിയില്‍ മുറിഞ്ഞ രാഗം

ദൂരദർശനു വേണ്ടി ‘ആയിരം ഗാനങ്ങൾ തൻ ആനന്ദലഹരി’ എന്ന പ്രോഗ്രാമി​​​െൻറ ഷൂട്ടി​​​െൻറ ഭാഗമായി  രവി മേനോനും എം.എസ്​. നസീമും കൂടി ഒരിക്കൽ പാട്ടുകാരൻ സി.ഒ. ആ​​േൻറായെ കാണാൻ പോയി.  അ​േദ്ദഹത്തി​​​െൻറ ബൈറ്റ്​ എടുക്കണമെന്നുള്ളത് നസീമി​​​െൻറ വലിയ ആഗ്രഹമായിരുന്നു. പിന്നണി ഗാനചരിത്രത്തിലെ ആദ്യഗാനങ്ങളെയും അവയുടെ ശിൽപികളെയും പരിചയപ്പെടുത്തുന്നതായിരുന്നു ആ പരമ്പര. അസുഖംമൂലം  സംസാരിക്കാൻ പറ്റുന്ന അവസ്ഥയിലായിരുന്നില്ല ആൻേറാ. എന്നാലും അദ്ദേഹം പാടാൻ ശ്രമിച്ചു. ‘മധുരിക്കും ഒാർമകളെ...’ പാടിത്തുടങ്ങിയെങ്കിലും  ഇടക്ക്​ മുറിഞ്ഞുപോയി. പിന്നെ കരച്ചിലായിരുന്നു.  വീണ്ടും പാടിത്തുടങ്ങി... മുറിഞ്ഞ്​ അദ്ദേഹം അത്​ പാടി പൂർത്തിയാക്കി. ആ ഷൂട്ട്​  കഴിഞ്ഞ്​ മടങ്ങു​േമ്പാൾ, പതിവിന്​ വിപരീതമായി നസീം മൗനിയായിരുന്നു. ഒപ്പമുള്ളവർ സംസാരിച്ച്​ തുടങ്ങിയപ്പോൾ നസീം പറഞ്ഞു, എ​​​െൻറ ജീവിതത്തിൽ ആദ്യമായാണ്​ ഇങ്ങനെ ഒരനുഭവം​. പാട്ടുകാരന്​ പാടാൻ കഴിയാത്ത ഒരവസ്ഥ. അക്ഷരങ്ങൾ അവിടെ മുറിഞ്ഞുപോയതോ നസീം അവിടെ നിർത്തിയതോ എന്നറിയില്ല. പിന്നെ ആ വാഹനത്തിൽ നിശ്ശബ്​ദതയായിരുന്നു. 
വർഷങ്ങൾ പിന്നെയു​ം കൊഴിഞ്ഞുപോയി. എം.എസ്​. നസീം പുതിയതും പഴയതുമായ പാട്ടുകളുമായി ആകാശവാണിയിലും ദുരദർശനിലും സജീവമായി.

കെ.എസ്​.ഇ.ബിയിലെ   ജോലിത്തിരക്കുകളുടെ പരിമിതികളിൽനിന്ന്​ പുറത്തിറങ്ങി സംഗീതത്തിനൊപ്പം ജീവിക്കണമെന്ന സ്വപ്​നമായിരിക്കണം എട്ടുവർഷം ബാക്കി നിൽക്കെ വൈദ്യുതി ബോർഡിലെ സൂപ്രണ്ട് സ്ഥാനത്തുനിന്ന് 2003ൽ സ്വമേധയാ വിരമിച്ചത്​. സംഗീതസംവിധായകൻ രാഘവൻ മാഷെ കുറിച്ച് ഒരു ഡോക്യുമ​​െൻററിയുടെ അവസാന പ്രവർത്തനങ്ങൾ നടന്നുകൊണ്ടിരിക്കുന്ന കാലം. ഇതിനിടയിൽ മുഹമ്മദ്​ റഫിയെ കുറിച്ചുള്ള ഒരു ഡോക്യുമ​​െൻററി പൂർത്തിയായിരുന്നു. അത്​ സ്വകാര്യ ചാനൽ സ്​റ്റുഡി​യോവിലെത്തിക്കാനായി 2005 ജൂലൈ 20ന്​  രാവിലെ വീട്ടിൽനിന്നിറങ്ങി. ആ യാത്ര നസീമി​​​െൻറ ജീവിതം മാറ്റിമറിക്കുകയായിരുന്നു. ദേഹാസ്വാസ്​ഥ്യത്തി​​​െൻറ രൂപത്തിലെത്തിയ പക്ഷാഘാതം ശരീരത്തെ തളർത്തി.  ഒരു ഭാഗം തളർന്നുപോയ നസീം ഒരുവർഷത്തോളം കിടപ്പിലായി. മനസ്സി​ൽ നിറഞ്ഞ സംഗീതവും  നിശ്ചയദാർഢ്യവും മാത്രമാണ്​ നസീമിനെ ഒരുപരിധി വരെ ​േരാഗത്തിൽനിന്ന്​ തിരിച്ചുകൊണ്ടുവന്നത്. എന്നാൽ, 12 വർഷം പിന്നിട്ടിട്ടും വാക്കുകൾ വ്യക്​തമാകുന്ന രീതിയിലേക്ക്​ സംസാരം എത്തിയിട്ടില്ല.  അതേസമയം, സംഗീതത്തെ കൈവിടാൻ അദ്ദേഹം തയാറുമല്ല. അതി​​െൻറ തെളിവാണ്​ പ്രിയപ്പെട്ട ആ പഴയ ഗാനങ്ങൾ വരികൾ മുറിയാതെ കുഴഞ്ഞുപോകുന്ന നാവിൻതുമ്പിലൂടെ പാടി നസീം   പൂർത്തിയാക്കുന്നത്​.

തിരുവനന്തപുരം കഴക്കൂട്ടം വെട്ട്​റോഡിൽ സംഗീതം നിറച്ചു​െവച്ച ‘അസ്മ’യിൽ നസീമുണ്ട്​. കാണാനെത്തുന്നവരാരായാലും ‘മധുരിക്കും ഓർമകളെ’  ശ്രുതി തെറ്റാതെ നാവിൻതുമ്പിൽ ഒാടിയെത്തും. പാട്ടിനെ കുറിച്ച്​ സംസാരിക്കു​േമ്പാൾ അദ്ദേഹം ഒരു കാമുകനായി മാറും. മുഖത്ത്​ സന്തോഷം നിറയും. സ്​റ്റേജ്​ പ്രോഗ്രാമുകളുടെ റിഹേഴ്​സലുകളും ആൽബങ്ങളുടെയും ഡോക്യ​ുമ​​െൻററികളുടെയും ചർച്ചകളും പാട്ടുകളുമൊക്കെ നിറഞ്ഞ വലിയ സൗഹൃദങ്ങളുടെ വലയത്തിൽനിന്ന്​ ​ഒറ്റപ്പെട്ടുപോയ ആ മനുഷ്യന്​ ഇപ്പോൾ കൂട്ട്​ പണ്ട്​ റെക്കോഡ്​ ചെയ്​തുവെച്ച പാട്ടുകളും ​ഡോക്യുമ​​െൻററികളുമാണ്​. ഇളയ മകൾ നസ്​മി ഗീത്​ ടാബിലേക്ക്​ കോപ്പി ചെയ്​ത്​ നൽകിയ ഇൗ പരിപാടികളൊക്കെ േപ്ല ചെയ്​ത്​ ആവർത്തിച്ച്​ കാണും. ഒാരോന്നിനെയും കുറിച്ച്​ വിശദീകരിക്കും. കാണാൻ ആരെങ്കിലുമൊക്കെ  വരുന്നതും അവരോട്​ പാട്ടിനെ കുറിച്ച് സംസാരിക്കുന്നതുമൊക്കെ അദ്ദേഹത്തിന്​ വലിയ സന്തോഷം നൽകുന്ന കാര്യമാണെന്ന് ഭാര്യ ഷാഹിദ പറഞ്ഞു. ശബ്​ദം നഷ്​ടപ്പെട്ടാൽ എത്ര വലിയ പാട്ടുകാരനും ഒന്നുമല്ലാതായിത്തീരും. ഇനി അത്​ പൂർണമായും തിരിച്ചുകിട്ടണം, അദ്ദേഹം പഴയതുപോലെ ആകണമെങ്കിൽ ^അവർ കൂട്ടിച്ചേർത്തു. ​

തിരുവനന്തപുരം യൂനിവേഴ്​സിറ്റി കോളജിലെ വിദ്യാർഥിയായിരിക്കുമ്പോൾതന്നെ ട്രൂപ്പുകളിൽ പാടിയിരുന്ന എം.എസ്​. നസീമി​​​െൻറ ശബ്​ദം  കേരളത്തി​​​െൻറ മനസ്സിൽ പതിഞ്ഞിരുന്നു. അക്കാലത്തുതന്നെ പഴയ സിനിമഗാനങ്ങൾ കോർത്തിണക്കി ഒട്ടേറെ പരിപാടികൾ അവതരിപ്പിക്കുകയും ചെയ്​തു. ആ ഗാനസപര്യ പല വിദേശ സ്​റ്റേജുകളടക്കം 3000ത്തോളം വേദികളിലേക്ക്​ നീണ്ടു.

പഴയ പാട്ടുകൾക്കുവേണ്ടി കെ.പി. ഉദയഭാനുവുമായി ചേർന്ന്​ ‘ഓൾഡ് ഈസ് ഗോൾഡ്’ എന്ന ഗാനമേള ട്രൂപ് ഉണ്ടാക്കി. എ.എം രാജയുടെ ശബ്​ദത്തോട്  ഏറെ സാമ്യമുള്ളതായിരുന്നു നസീമി​​​െൻറ ശബ്​ദം. രാജയുടെ പല പാട്ടുകളും നിരവധി വേദികളിൽ പാടിയ നസീം ജൂനിയർ രാജ എന്ന പേരിൽ അറിയപ്പെട്ടു. ഉദയഭാനു, കമുകറ, പി. ലീല,  ​ആ​േൻറാ, കെ.പി.എ.സി. സുലോചന എന്നിവർക്കൊപ്പം നസീം പാടി.  പാട്ടുകാരൻ എന്നതി​േനക്കാളുപരി പലപ്പോഴും പാട്ടി​​​െൻറ പിന്നാമ്പുറങ്ങളിൽ പ്രവർത്തിച്ചിരുന്ന മ്യൂസിക്​ ക്രിട്ടിക്​ കൂടിയായിരുന്നു അദ്ദേഹം. ഗായകൻ, കോഒാഡിനേറ്റർ, പ്രോഗ്രാം കണ്ടക്ടർ എന്നിങ്ങനെ എല്ലാ തരത്തിലും കഴിവ് തെളിയിച്ചു.  മലയാളത്തിലെ ആദ്യത്തെ ഗസൽ ആൽബം പുറത്തിറക്കിയത് നസീമാണ്. പ്രതിഭയേറെ ഉണ്ടായിട്ടും ‘അനന്തവൃത്താന്തം’ എന്ന സിനിമയിൽ മാത്രമേ നസീം പിന്നണി പാടിയുള്ളു. യേശുദാസ്​, എസ്. ജാനകി, പി. സുശീല, പി. ലീല, ചിത്ര തുടങ്ങിയ ഒട്ടുമിക്ക ഗായകരുമായും അടുത്ത സൗഹൃദമുണ്ടായിരുന്നു നസീമിന്​. രാഘവൻ മാഷ് മരിക്കുന്നതിന് ആറുമാസം മുമ്പ്​  അദ്ദേഹത്തെ കാണണം എന്നു നിർബന്ധം പിടിച്ച്​ പോയി കണ്ടിരുന്നു. ​മറ്റൊരു മകൾ  നദിയ കുടുംബസമേതം വിദേശത്താണ്​. ഒരു സംഗീത മ്യൂസിയമാണ്​ നസീമി​​​െൻറ വീട്​. അതിനേക്കാൾ പാട്ടുകൾ അദ്ദേഹത്തി​​​െൻറ ഒാർമയിലുണ്ട്​. പഴയ പാട്ടുകൾക്ക്​ പി​ന്ന​​ാലെ നടന്ന അദ്ദേഹം  അത്​ പാടി പൂർത്തിയാക്കാൻ ശ്രമിക്കുന്നു. 

പെ​രു​ന്നാ​ൾ ദിവസം ബ​ന്ധു​ക്കൾ കാ​ണാ​ൻ വ​രും. നസീം കുടുംബസമേതം ബ​ന്ധ​ു​വീടുകളും സന്ദർശിക്കും. ഇൗ ഒത്തുകൂടൽ വ​ലി​യ സ​ന്തോ​ഷ​മു​ണ്ടാ​ക്കും.
ആകാശത്ത് ചന്ദ്രൻ ഉദിക്കുകയും മറയുകയും ചെയ്തു. പാതിയിൽ പാടിനിർത്തിയ മധുരിത ഗാനങ്ങളുടെ ഒാർമയിൽ പുതിയൊരു പ്രഭാതം സ്വപ്നം കണ്ട് നസീം പാടുകയാണ്...
●