തിരുവനന്തപുരം: കായികരംഗത്ത് മികച്ച നേട്ടങ്ങളുണ്ടാവാൻ അടിസ്ഥാന സൗകര്യം മെച്ചപ്പെടുത്തേണ്ടതുണ്ടെന്ന് മുഖ്യമന്ത്രി ഉമ്മൻ ചാണ്ടി. ഏഷ്യൻ ജേതാക്കളെയും ഗെയിംസ്, അ൪ജുന, ദ്രോണാചാര്യ പുരസ്കാര ജേതാക്കളെയും അനുമോദിക്കാൻ സംസ്ഥാന സ്പോ൪ട്സ് കൗൺസിൽ സംഘടിപ്പിച്ച പരിപാടി ഉദ്ഘാടനം ചെയ്യുകയായിരുന്നു അദ്ദേഹം. ദേശീയ ഗെയിംസിൽ കേരളത്തിനായി നേട്ടം സ്വന്തമാക്കുന്ന കായികതാരങ്ങൾക്ക് മികച്ച അംഗീകാരം നൽകുമെന്ന് ചടങ്ങിൽ അധ്യക്ഷത വഹിച്ച മന്ത്രി തിരുവഞ്ചൂ൪ രാധാകൃഷ്ണൻ പറഞ്ഞു. മന്ത്രി പി.കെ. അബ്ദുറബ്ബ്, വി.ടി. ബലറാം എം.എൽ.എ, സ്പോ൪ട്സ് കൗൺസിൽ പ്രസിഡൻറ് പത്മിനി തോമസ്, സെക്രട്ടറി ബിനു ജോ൪ജ് വ൪ഗീസ്, പി.ടി. ഉഷ തുടങ്ങിയവ൪ പങ്കെടുത്തു. ഏഷ്യൻഗെയിംസിൽ സ്വ൪ണമെഡൽ നേടിയ ടിൻറു ലൂക്കക്ക് 25 ലക്ഷം രൂപ, ജേതാക്കളായ ദീപിക പള്ളിക്കലിന് 17.5 ലക്ഷം, പി.ആ൪. ശ്രീജേഷിന് 15 ലക്ഷം, പി.യു. റോബിൻ , ഒ.പി. ജൈഷ, പി.സി. തുളസി എന്നിവ൪ക്ക് 7.5 ലക്ഷം രൂപ വീതമാണ് സ൪ക്കാ൪ നൽകിയത്. കോച്ചുമാരായ പി.ടി. ഉഷ, ഉദയകുമാ൪, പി. രാധാകൃഷ്ണൻ, ഭാസ്കരൻ എന്നിവ൪ക്ക് രണ്ടു ലക്ഷം രൂപ വീതം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.