ന്യൂഡല്‍ഹി: മംഗോളിയയുടെ തലസ്ഥാനമായ ഉലാന്‍ബാതറില്‍ വെള്ളിയാഴ്ച ആരംഭിക്കുന്ന ഏഷ്യ-യൂറോപ് മീറ്റിങ് (അസെം) ഉച്ചകോടിയില്‍ പങ്കെടുക്കുന്ന ഇന്ത്യന്‍ പ്രതിനിധി സംഘത്തെ ഉപരാഷ്ട്രപതി ഹാമിദ് അന്‍സാരി നയിക്കും.
‘അസെമിന്‍െറ ഇരുപതു വര്‍ഷം: സമ്പര്‍ക്കത്തിലൂടെ ഭാവിക്കായി സഖ്യം ചേരുക’ എന്നതാണ് ഉച്ചകോടിയുടെ ഈ വര്‍ഷത്തെ പ്രമേയം. ഏഷ്യയില്‍നിന്നും യൂറോപ്പില്‍നിന്നുമുള്ള 51 രാജ്യങ്ങളും യൂറോപ്യന്‍ യൂനിയനും ആസിയാനുമടക്കം 53 അംഗങ്ങളാണ് അസെമിലുള്ളത്. 2007ലാണ് ഇന്ത്യ ഇതില്‍ അംഗമായത്. ഭീകരവാദം ഉള്‍പ്പെടെ നിര്‍ണായകവിഷയങ്ങള്‍ ചര്‍ച്ച ചെയ്യുന്ന ഉച്ചകോടിയില്‍ പങ്കെടുക്കാന്‍ ഉപരാഷ്ട്രപതി വ്യാഴാഴ്ച പുറപ്പെടും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.