തിരുവനന്തപുരം: റെയിൽവേയുടെ ഓൺലൈൻ പാസഞ്ചർ സേവനങ്ങൾ ഇനി മുതൽ ‘റെയിൽ വൺ’എന്ന ഏകീകൃത പ്ലാറ്റ്ഫോമിലേക്ക് മാറുന്നു. നിലവിലെ യു.ടി.എസ് ആപ് മാർച്ച് ഒന്നുമുതൽ പ്രവർത്തനരഹിതമാകും. യു.ടി.എസ് ആപ് നിർത്തലാക്കുന്ന നടപടികൾ ഘട്ടംഘട്ടമായാണ് നടപ്പാക്കുന്നത്. ഇതിന്റെ ഭാഗമായി സീസൺ ടിക്കറ്റ് ബുക്കിങ്, പുതുക്കൽ, പുതിയ രജിസ്ട്രേഷൻ എന്നിവ നിർത്തലാക്കി.
ആപ്പിന്റെ പുതിയ പതിപ്പ് ഡൗൺലോഡ് ചെയ്യുന്നവർക്കോ അപ്ഡേറ്റ് ചെയ്യുന്നവർക്കോ പ്ലാറ്റ്ഫോം ടിക്കറ്റുകൾ ബുക്ക് ചെയ്യാനോ ആർ-വാലറ്റ് റീചാർജ് ചെയ്യാനോ സാധിക്കില്ലെന്ന് റെയിൽവേ അറിയിച്ചു. യു.ടി.എസ് ആപ്പിലെ ഉപയോക്താക്കളുടെ നിലവിലെ ആർ-വാലറ്റ് ബാലൻസ് സുരക്ഷിതമായിരിക്കുമെന്ന് റെയിൽവേ അറിയിച്ചു. ആപ് നിർത്തലാക്കുന്നത് മൂലം തുക നഷ്ടപ്പെടില്ല. യാത്രക്കാർക്ക് ഈ ബാലൻസ് പുതിയ റെയിൽ വൺ ആപ്പിൽ തുടർന്നും ഉപയോഗിക്കാം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.