ന്യൂഡല്ഹി: ഡല്ഹി വഖഫ് ബോര്ഡ് തെരഞ്ഞെടുപ്പ് അംഗീകരിക്കാത്ത സംസ്ഥാന സര്ക്കാര് ബോര്ഡിന്െറ അധികാരങ്ങളിലേറെയും റവന്യൂ സെക്രട്ടറിക്ക് കൈമാറി. 1995ലെ വഖഫ് നിയമത്തിലെ 99(1) 99(2)വകുപ്പുകള് പ്രകാരമുള്ള അധികാരങ്ങളാണ് ഒക്ടോബര് 10ന് സര്ക്കാര് പുറത്തിറക്കിയ വിജ്ഞാപനം വഴി സംസ്ഥാന റവന്യൂ സെക്രട്ടറിക്ക് കൈമാറിയത്. നടപടിക്കെതിരെ ഡല്ഹി ഹൈകോടതിയെ സമീപിച്ചതായി വഖഫ് ബോര്ഡ് ചെയര്പേഴ്സന് റാണ പര്വീന് സിദ്ദീഖി പറഞ്ഞു.
ഈ വിജ്ഞാപനം 15നാണ് ലഭിച്ചതെന്നും ശേഷം ഓഫിസില് പോയിട്ടില്ളെന്നും റാണ സിദ്ദീഖി പറഞ്ഞു. കഴിഞ്ഞ ജനുവരി 20ന് നടന്ന തെരഞ്ഞെടുപ്പിലാണ് റാണ സിദ്ദീഖി ചെയര്പേഴ്സനായി തെരഞ്ഞെടുക്കപ്പെടുന്നത്. ഏഴംഗങ്ങളില് ആറുപേരാണ് അന്ന് ഹാജരുണ്ടായിരുന്നത്. അവരില് നാലുപേരുടെ വോട്ട് റാണക്ക് ലഭിച്ചു. എന്നാല്, തെരഞ്ഞെടുപ്പ് ഡല്ഹി സര്ക്കാര് അംഗീകരിച്ചില്ല. തുടര്ന്ന് റാണ ഹൈകോടതിയെ സമീപിച്ചപ്പോള് തല്സ്ഥിതി തുടരാന് ഉത്തരവിട്ടിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.