വാ​ട​ക വീ​ട് ത​ട്ടി​പ്പ്; സോ​ഫ്റ്റ് വെ​യ​ർ ജീ​വ​ന​ക്കാ​ര​ന് 4.87 ല​ക്ഷം ന​ഷ്ട​മാ​യി

ബം​ഗ​ളൂ​രു: വ്യാ​ജ പ്രോ​പ്പ​ർ​ട്ടി വെ​ബ്സൈ​റ്റാ​ണെ​ന്ന​റി​യാ​തെ വീ​ട് ബു​ക്ക് ചെ​യ്യാ​ൻ ശ്ര​മി​ച്ച സോ​ഫ്റ്റ് വെ​യ​ർ ജീ​വ​ന​ക്കാ​ര​ന് 4.87 ല​ക്ഷം ന​ഷ്ട​മാ​യി. അ​റി​യ​പ്പെ​ടു​ന്ന ഒ​രു ഓ​ൺ​ലൈ​ൻ പ്ലാ​റ്റ്ഫോ​മി​നോ​ട് സാ​മ്യം തോ​ന്നി​പ്പി​ക്കു​ന്ന രീ​തി​യി​ൽ വ്യാ​ജ വെ​ബ്സൈ​റ്റ് നി​ർ​മി​ച്ചാ​ണ് ത​ട്ടി​പ്പു​സം​ഘം ഇ​ര​ക​ളെ കു​ടു​ക്കി​യി​രു​ന്ന​ത്. ത​ട്ടി​പ്പി​ലൂ​ടെ ത​നി​ക്ക് 4.87 ല​ക്ഷം രൂ​പ ന​ഷ്ട​മാ​യെ​ന്ന ആ​ടു​ഗൊ​ഡി സ്വ​ദേ​ശി​യുടെ പ​രാ​തി​യി​ൽ ബം​ഗ​ളൂ​രു സൈ​ബ​ർ പൊ​ലീ​സ് അ​ന്വേ​ഷ​ണ​മാ​രം​ഭി​ച്ചു.

വൈ​റ്റ് ഫീ​ൽ​ഡ് ഭാ​ഗ​ത്ത് വീ​ട് നോ​ക്കു​ക​യാ​യി​രു​ന്ന പ​രാ​തി​ക്കാ​ര​ൻ വെ​ബ്സെ​റ്റി​ലെ കോ​ൺ​ടാ​ക്ട് ന​മ്പ​റി​ൽ ബ​ന്ധ​പ്പെ​ട്ടു. ഒ​രു പ്ര​മു​ഖ പ്രോ​പ്പ​ർ​ട്ടി വെ​ബ് സൈ​റ്റി​നോ​ട് ഏ​റെ സാ​മ്യ​ത​യു​ള്ള വെ​ബ്സൈ​റ്റാ​യി​രു​ന്നു ഇ​ത്. അ​തി​നാ​ൽ ആ​ദ്യ​ത്തി​ൽ ത​ട്ടി​പ്പാ​ണെ​ന്ന് തി​രി​ച്ച​റി​യാ​നാ​യി​ല്ല. ശ്രീ​നി​വാ​സ, രാ​ജേ​ന്ദ്ര ജെ​യി​ൻ എ​ന്നി​വ​രെ​യാ​ണ് ഉ​ട​മ​ക​ളാ​യി വെ​ബ്സൈ​റ്റി​ൽ പ​രി​ച​യ​പ്പെ​ടു​ത്തി​യി​രു​ന്ന​ത്.

ഇ​വ​രെ ബ​ന്ധ​പ്പെ​ട്ട​പ്പോ​ൾ മ​റ്റു ര​ണ്ടു​പേ​രാ​യ ധ​ർ​മേ​ന്ദ്ര, ന​ന്ദ​കി​ഷോ​ർ എ​ന്നി​വ​രെ ബ​ന്ധ​പ്പെ​ടാ​ൻ നി​ർ​ദേ​ശി​ച്ചു. തു​ട​ർ​ന്ന് ഓ​ൺ​ലൈ​ൻ വെ​രി​ഫി​ക്കേ​ഷ​നാ​യി പണമടക്ക​ണ​മെ​ന്ന് ഇ​വ​ർ അ​റി​യി​ച്ചു. ഇ​ത​നു​സ​രി​ച്ച് മൂ​ന്നു ല​ക്ഷം രൂ​പ ന​ന്ദ​കി​ഷോ​റി​നും 1.87 ല​ക്ഷം രൂ​പ ധ​ർ​മേ​ന്ദ്ര​ക്കും വി​വി​ധ ഘ​ട്ട​ങ്ങ​ളി​ലാ​യി ന​ൽ​കി. പി​ന്നീ​ട്, സം​ശ​യം തോ​ന്നി സോ​ഫ്റ്റ് വെ​യ​ർ ജീ​വ​ന​ക്കാ​ര​ൻ ഇ​തേ​ക്കു​റി​ച്ച് അ​ന്വേ​ഷി​ച്ച​പ്പോ​ൾ, അ​ഡ്വാ​ൻ​സ് തു​ക തി​രി​ച്ച് ന​ൽ​കി​ല്ലെ​ന്ന് മ​റു​പ​ടി ന​ൽ​കി​യ ത​ട്ടി​പ്പു​കാ​ർ വീ​ട് ബു​ക്ക് ചെ​യ്യാ​ൻ ഇ​ത് നി​ർ​ബ​ന്ധ​മാ​ണെ​ന്നും അ​റി​യി​ച്ചു.

എ​ന്നാ​ൽ, ത​ന്റെ പേ​രി​ൽ ഒ​രു വീ​ടും ബു​ക്ക് ചെ​യ്തി​ട്ടി​ല്ലെ​ന്ന് മ​ന​സ്സി​ലാ​ക്കി​യ പരാതിക്കാ​ര​ൻ, സം​ഭ​വം ത​ട്ടി​പ്പാ​ണെ​ന്ന് തി​രി​ച്ച​റി​ഞ്ഞു. ഇ​തോ​ടെ സൈ​ബ​ർ ക്രൈം ​ഹെ​ൽ​പ് ലൈ​ൻ ന​മ്പ​റാ​യ 1930ൽ ​വി​ളി​ച്ച് പ​രാ​തി അ​റി​യി​ക്കു​ക​യും ആ​ഡു​ഗൊ​ഡി പൊ​ലീ​സ് സ്റ്റേ​ഷ​നി​ൽ പ​രാ​തി എ​ഴു​തി ന​ൽ​കു​ക​യു​മാ​യി​രു​ന്നു.