തിരുവനന്തപുരം: ജില്ലയിൽ ഇന്നലെ പുതുതായി 2514 പേർ രോഗനിരീക്ഷണത്തിലായി. ഇതോടെ കോവിഡ് രോഗബാധയുമായി ബന്ധപ്പെട്ട് നിരീക്ഷണത്തിലുള്ളവരുടെ ആകെ എണ്ണം 4059 ആയി. ഇതിൽ 3626 പേർ വീടുകളിലാണ്. ഞായറാഴ്ച 2379 പേർ നിരീക്ഷണകാലയളവ് രോഗ ലക്ഷണങ്ങളൊന്നുമില്ലാതെ പൂർത്തിയാക്കി. തിരുവനന്തപുരം മെഡിക്കൽ കോളജിൽ 17പേരും ജനറൽ ആശുപത്രിയിൽ എട്ട് പേരും പേരൂർക്കട മാനസികാരോഗ്യ കേന്ദ്രത്തിൽ രണ്ട്പേരും എസ്.എ.ടി ആശുപത്രിയിൽ അഞ്ച് പേരും വിവിധ സ്വകാര്യ ആശുപത്രികളിൽ ഒമ്പതുപേരും ഉൾപ്പെടെ 41 പേർ രോഗലക്ഷണങ്ങളുമായി വിവിധ ആശുപത്രികളിൽ ചികിത്സയിലുണ്ട്. കോവിഡ് കെയർ സൻെററുകളിൽ 392 പേർ നിരീക്ഷണത്തിലുണ്ട്. ഞായറാഴ്ച ലഭിച്ച 88 പരിശോധനഫലങ്ങൾ നെഗറ്റിവാണ്. അമരവിള, കോഴിവിള, ഇഞ്ചിവിള, ആറുകാണി, വെള്ളറട, നെട്ട, കാരക്കോണം-കന്നുമാമൂട്, ആറ്റുപുറം, തട്ടത്തുമല, കാപ്പിൽ, മടത്തറ എന്നിവിടങ്ങളിലായി 6556 വാഹനങ്ങളിലെ 12259 യാത്രക്കാരെ സ്ക്രീനിങ് നടത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.