തെരുവുവിളക്കുകൾ, കാർ, ബോർഡുകൾ, കൊടികൾ എന്നിവ നശിപ്പിച്ചു പോത്തൻകോട്: വാവറയമ്പലം, അണ്ടൂർക്കോണം കീഴാവൂർ, വെള്ളൂർ ഭാഗങ്ങളിൽ സാമൂഹികവിരുദ്ധർ സംഘംചേർന്ന് പൊതുമുതൽ ഉൾപ്പെടെ നശിപ്പിച്ചു. കീഴാവൂർ-കല്ലറ ക്ഷേത്രം-സി.ആർ.പി.എഫ് റോഡിലെ പതിനഞ്ചോളം തെരുവുവിളക്കുകൾ അക്രമികൾ എറിഞ്ഞുപൊട്ടിച്ചു. റോഡിൻെറ വശത്തായി ഒതുക്കിയിട്ടിരുന്ന കീഴാവൂർ സ്വദേശി ഹുസൈൻെറ കാറിൻെറ ചില്ലുകൾ തകർത്തു. ജങ്ഷനുകളിൽ സ്ഥാപിച്ചിരുന്ന ബി.ജെ.പി കൊടികളും ബോർഡുകളും നശിപ്പിച്ചു. പരക്കെയുള്ള അക്രമങ്ങളെ തുടർന്ന് നാട്ടുകാർ പൊലീസിൽ പരാതി നൽകി. വാവറയിൽ പുലിവീട് വാർഡ് കമ്മിറ്റി സ്വകാര്യവ്യക്തിയുടെ വസ്തുവിൽ സ്ഥാപിച്ചിരുന്ന പ്രധാനമന്ത്രി നരേന്ദ്രമോദിയുടെ കൂറ്റൻചിത്രവും നശിപ്പിച്ചു. പോത്തൻകോട്, മംഗലപുരം സ്റ്റേഷൻ അതിർത്തികളിലാണ് ചൊവ്വാഴ്ച അർധരാത്രി അക്രമങ്ങൾ അരങ്ങേറിയത്. ബൈക്കിലെത്തിയ സംഘമാണ് നശീകരണം നടത്തിയതെന്നും നാട്ടുകാർ പറയുന്നു. IMG-20191227-WA0032 1. കീഴാവൂർ സ്വദേശി ഹുസൈൻെറ കാറിൻെറ ചില്ലുകൾ അക്രമികൾ തകർത്ത നിലയിൽ IMG-20191227-WA0033 2. ബോർഡ് തകർത്ത നിലയിൽ
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.