തിരുവനന്തപുരം: ഒരാഴ്ച പിന്നിട്ട ബി.എസ്.എൻ.എൽ കരാർ തൊഴിലാളി പണിമുടക്ക് പരിഹരിക്കുന്നതിനാവശ്യമായ ഇടപെടൽ നടത്ത ണമെന്ന് ആവശ്യപ്പെട്ട് യൂനിയൻ നേതാക്കൾ സംസ്ഥാന തൊഴിൽവകുപ്പ് മന്ത്രി ടി.പി. രാമകൃഷ്ണന് നിവേദനം നൽകി. വിഷയം കേന്ദ്രമന്ത്രിയുടെ ശ്രദ്ധയിൽപ്പെടുത്തുമെന്നും സെൻട്രൽ ലേബർ കമീഷണറുമായി ചർച്ച നടത്തി ആവശ്യമായ നടപടികൾ സ്വീകരിക്കുമെന്നും മന്ത്രി നേതാക്കളെ അറിയിച്ചു. ബി.എസ്.എൻ.എൽ എംപ്ലോയീസ് യൂനിയൻ സംസ്ഥാന സെക്രട്ടറി സി. സന്തോഷ് കുമാർ, ബി.എസ്.എൻ.എൽ കാഷ്വൽ കോൺട്രാക്ട് ലേേബഴ്സ് യൂനിയൻ (സി.ഐ.ടി.യു) സംസ്ഥാന അസിസ്റ്റൻറ് സെക്രട്ടറി സുരേഷ് പാച്ചല്ലൂർ, സംസ്ഥാന കമ്മിറ്റി അംഗം വി.പി. ശ്രീജു, സിവിൽ വിങ് ജില്ല സെക്രട്ടറി എം.കെ. ഷിബുമോൻ എന്നിവരാണ് നിവേദകസംഘത്തിൽ ഉണ്ടായിരുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.