കോവളം: മദ്യപിച്ചെത്തി മാതാവിനെ ആക്രമിച്ച പിതാവിനെ 14കാരൻ തടഞ്ഞു. മകനെ പിതാവ് വെട്ടി പരിക്കേൽപിച്ചു. വെങ്ങാനൂർ പ നങ്ങോട് സ്വദേശിക്കെതിരെയാണ് ഭാര്യ പരാതി നൽകിയത്. ഇക്കഴിഞ്ഞ ഞായറാഴ്ച രാത്രി 10ഓടെ മദ്യപിച്ചെത്തിയ ഗൃഹനാഥൻ ഭക്ഷണക്കാര്യത്തിൽ ഭാര്യയുമായി പിണങ്ങുകയും ആക്രമിക്കുകയും ചെയ്തു. ഇതുകണ്ട മകൻ ആക്രമണം തടയാൻ ശ്രമിക്കുന്നതിനിടെ ഇയാൾ കൈയിലിരുന്ന കത്തി ഉപയോഗിച്ച് കാലിൽ വെട്ടി പരിക്കേൽപിക്കുകയായിരുന്നു. കുട്ടി ചികിത്സക്കുശേഷം സ്കൂളിലെത്തിയതോടെയാണ് സംഭവം പുറത്തറിഞ്ഞത്. കേസെടുത്ത് അന്വേഷണം ആരംഭിച്ചതായും പ്രതി ഒളിവിലാണെന്നും കോവളം പൊലീസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.