തിരുവനന്തപുരം: ദക്ഷിണമേഖല ദേശീയ റാങ്കിങ് ടേബിൾ ടെന്നിസ് ചാമ്പ്യൻഷിപ്പിൽ റെയിൽവേ സ്പോർട്സ് പ്രമോഷൻ ബോർഡ ിലെ അനിർബാൻ ഘോഷിന് വിജയം. പ്രീ ക്വാർട്ടർ ഫൈനലിൽ ഹരിയാനയുടെ റൊസരിയോ വെസ്ലിയെ (4-0) സ്കോറിനാണ് അനിർബാൻ തകർത്ത്. റെയിൽവേ സ്പോർട്സ് പ്രമോഷൻ ബോർഡ് താരമാണ് അനിർബാൻ. തമിഴ്നാടിൻെറ സുസ്മിത് ശ്രീറാം, ഹരിയാനയുടെ ജീറ്റ് ചന്ദ്ര, ഘോഷ് സൗമ്യാജിത്ത്, പെട്രോളിയം സ്പോർട്സ് പ്രമോഷൻ ബോർഡിലെ ഷെട്ടി സുനിൽശങ്കർ, ദേശായ് ഹർമീത് രാജുൾ, ഗ്രോവർ സുധാൻഷു എന്നിവരും വിജയിച്ചു. വനിതകളുടെ മത്സരത്തിൽ ഹരിയാനയുടെ മുഖർജി സുധീർഥ മഹാരാഷ്ട്രയുടെ മല്ലിക ഭണ്ഡാർകറിനെ (4-0)യും ബാങ്ക് ഓഫ് ബറോഡ സ്പോർട്സ് കോച്ചിങ് ബോർഡിലെ ഡിസൂസ സെൻഹോറ റിസർവ് ബാങ്കിൻെറ അമൃത പുഷ്പ ശേഖറിനെയും തോൽപിച്ചു. പെട്രോളിയം പ്രമോഷൻ കൗൺസിലിലെ പോൾ മൗസമി, മധ്യപ്രദേശിൻെറ അനുഷ, റെയിൽവേ സ്പോർട്സ് പ്രമോഷൻ ബോർഡിലെ അമൃത ശ്രുതി, റിസർവ് ബാജകിൻെറ ഐഹിക മുഖർജി എന്നിവരും വിജയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.