വനാശ്രിതർക്കായി ഫോറസ്റ്റ് അദാലത്തുകൾ സംഘടിപ്പിക്കും- -മന്ത്രി തിരുവനന്തപുരം: വനവുമായി ബന്ധപ്പെട്ട് ജീവിക്കുന്ന ജനങ്ങളുടെ പ്രശ്നങ്ങൾ നേരിട്ടറിയാനും പരിഹരിക്കാനുമായി ഫോറസ്റ്റ് അദാലത്തുകൾ സംഘടിപ്പിക്കുമെന്ന് മന്ത്രി അഡ്വ. കെ. രാജു. വെള്ളറടയിൽ നിർമാണം പൂർത്തിയാക്കിയ ആനപ്പാറ ഫോറസ്റ്റ് കമ്യൂണിറ്റി സെൻറർ നാടിന് സമർപ്പിക്കുകയായിരുന്നു അദ്ദേഹം. കൃഷിനാശം, വന്യമൃഗശല്യം, മനുഷ്യ--വന്യജീവി സംഘർഷം, നഷ്ടപരിഹാരം തുടങ്ങിയ വിഷയങ്ങളുമായി ബന്ധപ്പെട്ട പ്രശ്നങ്ങൾ നേരിട്ട് വനം വകുപ്പ് അധികാരികളെ അറിയിക്കാൻ തദ്ദേശവാസികൾക്ക് അവസരമൊരുക്കുകയാണ് ലക്ഷ്യം. പട്ടയവുമായി ബന്ധപ്പെട്ട പരാതികളൊഴികെ നടപടികളെടുക്കാൻ അദാലത്തുകൾ ഉപകാരപ്പെടും. ഇത്തരത്തിലുള്ള ആദ്യ അദാലത് ആനപ്പാറ ഫോറസ്റ്റ് കമ്യൂണിറ്റി സെൻററിൽ നടത്തുമെന്നും വിജയകരമാണെങ്കിൽ സംസ്ഥാനത്തൊട്ടാകെ സംഘടിപ്പിക്കുമെന്നും മന്ത്രി പറഞ്ഞു. സി.കെ. ഹരീന്ദ്രൻ എം.എൽ.എ. അധ്യക്ഷത വഹിച്ചു. ത്രിതല പഞ്ചായത്ത് ജനപ്രതിനിധികൾ, വിവിധ രാഷ്ട്രീയകക്ഷിനേതാക്കൾ തുടങ്ങിയവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.