കാട്ടാക്കട: കാട്ടാക്കട-നെയ്യാർഡാം റോഡിൽ ചൂണ്ടുപലക ജങ്ഷനടുത്ത് കർഷക വിപണിക്ക് മുന്നിലെ റോഡിലെ സ്ഥിരമായ വെള്ളക്കെട്ട് യാത്രക്കാർക്ക് ദുരിതമാകുന്നു. ടൂറിസ്റ്റ് കേന്ദ്രമായ നെയ്യാർഡാമിലേക്ക് ഉൾപ്പെടെ ദിവസവും നൂറുകണക്കിന് വാഹനങ്ങൾ കടന്നുപോകുന്ന പ്രധാന റോഡാണിത്. ചെറിയൊരു മഴ പെയ്താലുടൻ രൂപപ്പെടുന്ന വെള്ളക്കെട്ട് ആഴ്ചകളോളം ഉണ്ടാകും. പലപ്പോഴും വെള്ളക്കെട്ട് ഒഴിവാക്കാൻ വാഹനങ്ങൾ ഒഴിച്ചെടുക്കുന്നത് ഇവിടെ അപകടങ്ങൾക്ക് ഇടയാക്കുന്നു. വഴിയാത്രക്കാർക്കും ഇത് ബുദ്ധിമുട്ടുണ്ടാക്കുന്നു. പതിവായി വെള്ളം കെട്ടിനിന്ന് ഈ ഭാഗത്തെ റോഡും തകർന്നിട്ടുണ്ട്. പൊതുമരാമത്ത് വകുപ്പിനെ അറിയിച്ചിട്ടും നടപടി ഉണ്ടാകുന്നില്ലെന്നാണ് ആക്ഷേപം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.