​േവദനയുടെ 'മേൽവിലാസ'ത്തിൽനിന്ന്​ ആസിഫിന്​ പുറത്തുകടക്കണം; അതിന്​ കാരുണ്യമുള്ളവരുടെ കൈത്താങ്ങ്​ വേണം

കൊല്ലം: കൂടെ പഠിക്കുന്നവർ സ്‌കൂളിൽ ഓണപ്പരീക്ഷ എഴുതുമ്പോൾ വൃക്കരോഗത്തി​െൻറ വേദനകളാൽ വീടിനുള്ളിൽ ഒതുങ്ങുകയാണ് മുഹമ്മദ് ആസിഫ്. അതിനാൽ എല്ലാ വാതിലുകളിലും മുട്ടി സഹായം തേടി അലയുകയാണ് മുഹമ്മദ് ആസിഫി​െൻറ പിതാവ് നൗഷാദ്. സ്വന്തമായി ഒരു വീടി​െൻറ മേൽവിലാസം പറയാൻ ഇവർക്കില്ല. വാടകവീടുകൾ പലത് മാറിയ കുടുംബം ഇപ്പോൾ നൗഷാദി​െൻറ സുഹൃത്തി​െൻറ വീട്ടിലാണ് താമസം. മൂന്നു വയസ്സുള്ളപ്പോഴാണ് മുഹമ്മദ് ആസിഫിൽ വൃക്കരോഗത്തി​െൻറ ലക്ഷണങ്ങൾ കണ്ട് തുടങ്ങിയത്. പിതാവി​െൻറ ഹൃേദ്രാഗത്തിനും പക്ഷാഘാതം ബാധിച്ച് ചലിക്കാൻ കഴിയാതെ കിടക്കുന്ന മാതാവി​െൻറ രോഗാവസ്ഥക്കുമൊപ്പം മകനും രോഗത്തി​െൻറ വലയിൽ കുടുങ്ങിയതോടെ നൗഷാദ് ജീവിതത്തി​െൻറ വെല്ലുവിളിക്ക് മുന്നിൽ പതറി. അച്ഛനമ്മമാരുടെയും മക​െൻറയും ചികിത്സക്കായി പണം കണ്ടെത്താൻ കഴിയാതെ കൂലി പ്പണിക്കാരനായ നൗഷാദ് പലപ്പോഴും വലഞ്ഞു. രണ്ടു മാസം മുമ്പാണ് നൗഷാദി​െൻറ മാതാവ്മരിച്ചത്. മുഹമ്മദ് ആസിഫിന് ആവശ്യമായ ചികിത്സ യഥാസമയം നൽകുന്നതിന് സാമ്പത്തിക ബുദ്ധിമുട്ട് തടസ്സമായപ്പോൾ കുഞ്ഞി​െൻറ രോഗവും കൂടി . ഇപ്പോൾ വൃക്കകളിലൊന്ന് പ്രവർത്തനരഹിതമായി. കഴിഞ്ഞ അധ്യയനവർഷം അവസാനത്തോടെ സ്‌കൂളിൽ പോകുന്നത് ഏകദേശം നിലച്ചിരുന്നു. അധ്യാപകരുടെ സഹായത്തോടെ പാഠഭാഗങ്ങൾ പഠിച്ചാണ് മൂന്നാം ക്ലാസിലെയും നാലാം ക്ലാസിലെയും വാർഷിക പരീക്ഷ ആസിഫ് എഴുതിയത്. ആസിഫി​െൻറ ചികിത്സക്കും പരിശോധനകൾക്കും മരുന്നിനുമായി മാസം പതിനായിരത്തോളം രൂപ ചെലവ് വരും. സുമനസ്സുകളുടെ സഹായമുണ്ടെങ്കിൽ ജീവിതത്തി​െൻറ നിറങ്ങളിലേക്ക് ഈ കുഞ്ഞിന് നിറചിരിയോടെ തിരികെ എത്താനാകും. സുഹൃത്തി​െൻറ കരുണയിൽ കഴിയുന്ന വീടിനുള്ളിൽ മകനെ സഹായിക്കണമെന്ന വേദന നിറഞ്ഞ പ്രാർഥനയിലാണ് നൗഷാദും കുടുംബവും. സുമനസ്സുകളുടെ സഹായം പ്രതീക്ഷിച്ച് എസ്.ബി.ടി കിളികൊല്ലൂർ ശാഖയിൽ നൗഷാദി​െൻറ പേരിൽ അക്കൗണ്ട് ആരംഭിച്ചിട്ടുണ്ട്. അക്കൗണ്ട് നമ്പർ 67355352485. ഐ.എഫ്.എസ് കോ‌ഡ് SBIN 0070397. ഫോൺ: 90485 91575.