കൊല്ലം: സംസ്ഥാന സബ്ജൂനിയർ ഹോക്കി ടൂർണമെൻറിൽ ആൺകുട്ടികളുടെ വിഭാഗത്തിൽ കൊല്ലവും പെൺകുട്ടികളുടെ വിഭാഗത്തിൽ തിരുവനന്തപുരവും ചാമ്പ്യന്മാർ. ഞായറാഴ്ച വൈകീട്ട് നടന്ന പെൺകുട്ടികളുടെ മത്സരത്തിൽ തൃശൂരിനെ മൂന്ന്-പൂജ്യത്തിന് തകർത്താണ് തിരുവനന്തപുരം ചാമ്പ്യന്മാരായത്. ആൺകുട്ടികളുടെ മത്സരത്തിൽ തിരുവനന്തപുരത്തിനെ കൊല്ലം നാല്--പൂജ്യത്തിന് തോൽപിച്ചു. കാണികളുടെ അകമഴിഞ്ഞ പിന്തുണയോടെ ഇറങ്ങിയ കൊല്ലം മികച്ച കളിയാണ് പുറത്തെടുത്തത്. എതിരാളികൾക്ക് അവസരം കൊടുക്കാതെയായിരുന്നു കൊല്ലത്തിെൻറ മുന്നേറ്റം. ആൺകുട്ടികളുടെ ലൂസേഴ്സ് ഫൈനലിൽ പാലക്കാടിനെ രണ്ടിനെതിരെ നാല് ഗോളുകൾക്ക് എറണാകുളം പരാജയപ്പെടുത്തി. സമാപനസമ്മേളനം എം. മുകേഷ് എം.എൽ.എ ഉദ്ഘാടനം ചെയ്തു. കേരള ഹോക്കി ഫെഡറേഷൻ പ്രസിഡൻറ് വി. സുനിൽകുമാർ അധ്യക്ഷത വഹിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.