തിരുവനന്തപുരം: കെ.എസ്.ആർ.ടി.സിയിലെ മുൻ ഭരണസമിതി അംഗങ്ങൾക്ക് നൽകിവന്ന സൗജന്യയാത്ര പാസ് സൗകര്യം നിർത്തലാക്കി. ഇത്തരം പാസുകൾ റദ്ദാക്കാൻ എല്ലാ യൂനിറ്റ് അധികാരികൾക്കും എം.ഡി നിർദേശംനൽകി. നിലവിൽ മുൻ ഡയറക്ടർ ബോർഡ് അംഗങ്ങൾക്ക് അജീവനാന്ത യാത്ര പാസ് സൗകര്യമാണ് നിലവിലുണ്ടായിരുന്നത്. അനാവശ്യസൗജന്യങ്ങൾ ഒഴിവാക്കി കെ.എസ്.ആർ.ടി.സിയുടെ നഷ്ടം കുറയ്ക്കുക എന്ന ലക്ഷ്യത്തോടെയാണ് ഇത്തരം പാസുകൾ ഒഴിവാക്കുന്നത്. ഇനിമുതൽ സൗജന്യ പാസ് ഉപയോഗിച്ച് യാത്രചെയ്യാനുള്ള ആനുകൂല്യം അതത് ഭരണസമിതിയുടെ കാലാവധിവരെ മാത്രമായിരിക്കുമെന്നും ഇതുസംബന്ധിച്ച് എം.ഡി രാജമാണിക്യം പുറത്തിറക്കിയ ഉത്തരവിൽ വ്യക്തമാക്കുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.