തിരുവനന്തപുരം: അർധരാത്രി ആക്രമണം നടത്തിയ ബി.ജെ.പി പ്രവർത്തകൻ അറസ്റ്റിൽ. തമ്പാനൂർ പൊലീസ് സ്റ്റേഷൻ പരിധിയിലെ കുരുക്കുവിളാകം വീട്, കണ്ണേറ്റുമുക്ക്, തൈക്കാട് താമസിക്കുന്ന കൂടം പ്രകാശ് എന്ന പ്രകാശ് കുമാറിനെയാണ് തമ്പാനൂർ പൊലീസ് അറസ്റ്റ്ചെയ്തത്. തൈക്കാട് ആശുപത്രിക്ക് സമീപം പബ്ലിക് റോഡിൽ സ്ഥാപിച്ചിരുന്ന കൊടിമരങ്ങളും നോട്ടീസുകളും നശിപ്പിച്ച പ്രതി ഒാടിരക്ഷപ്പെടാൻ ശ്രമിക്കുകയായിരുന്നു. തുടർന്ന് പ്രതിയെ പൊലീസ് അറസ്റ്റുചെയ്തു. ഇയാൾക്കെതിരെ തിരുവനന്തപുരം സിറ്റിയിലെ വിവിധ സ്റ്റേഷനുകളിൽ കേസുകളുണ്ട്. തമ്പാനൂർ സർക്കിൾ ഇൻസ്പെക്ടർ പൃഥ്വിരാജിെൻറ നേതൃത്വത്തിൽ എസ്.പി. പ്രകാശ്, ജോണി, ഗോപകുമാർ, നിതിൻ എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.