പേയാട്: കാരോട് എസ്റ്റേറ്റ് ആക്രമണ കേസിലെ പിടികിട്ടാപ്പുള്ളി 17 വര്ഷത്തിനു ശേഷം പിടിയില്. വിളവൂര്ക്കല് പുതുവീട്ടുമേലെ സമ്മര് രാജന് എന്ന രാജനെയാണ് വിളപ്പില്ശാല പൊലീസ് പിടികൂടിയത്. വിളവൂര്ക്കലിലെ ഇയാളുടെ ഒളിസങ്കേതം വളഞ്ഞായിരുന്നു അറസ്റ്റ്. 1998ല് ട്രാവന്കൂര് എസ്റ്റേറ്റില് കൈത്തോക്കും മാരകായുധങ്ങളുമായി അതിക്രമിച്ച് കടന്ന് ഭീകരാന്തരീക്ഷം സൃഷ്ടിച്ച സംഘത്തിലെ പ്രതികളില് ഒരാളാണ്. ജാമ്യത്തിലിറങ്ങിയ ശേഷം കോടതിയില് ഹാജരാകാതെ വന്ന ഇയാള്ക്കെതിരെ 2004ല് കോടതി വാറന്റ് പുറപ്പെടുവിച്ചിരുന്നതായി പൊലീസ് പറഞ്ഞു. ആര്യനാട് സി.ഐ മഞ്ചുലാലിന് കിട്ടിയ രഹസ്യവിവരത്തെ തുടര്ന്ന് വിളപ്പില്ശാല എസ്.ഐ. ഹേമന്ത് കുമാര്, എ.എസ്.ഐ ഉദയകുമാര്, സി.പി.ഒ ഹരികുമാര് എന്നവരാണ് പ്രതിയെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.