വാടാനപ്പള്ളി: വലപ്പാട് ഉപജില്ല ശാസ്ത്രോത്സവത്തിന് വാടാനപ്പള്ളി ഗവ. ഹയർ സെക്കൻഡറി സ്കൂളിൽ തുടക്കമായി. രണ്ട് ദിവസം നടക്കുന്ന ശാസ്ത്രമേളയുടെ ഉദ്ഘാടനം കെ.വി. അബ്്ദുൽ ഖാദർ എം.എൽ.എ നിർവഹിച്ചു. ഗണിത ശാസ്ത്രമേളയിൽ എൽ.പി വിഭാഗത്തിൽ വാടാനപ്പള്ളി ആർ.സി.യു.പി സ്കൂൾ 18 പോയൻറ് നേടി ജേതാവായി. ഹൈസ്കൂൾ വിഭാഗത്തിൽ 64 പോയൻറ് നേടി വലപ്പാട് ഗവ. ഹൈസ്കൂൾ ജേതാക്കളായി. ഹയർ സെക്കൻഡറി വിഭാഗത്തിൽ കയ്പ്പമംഗലം ഗവ. ഫിഷറീസ് ഹയർ സെക്കൻഡറി സ്കൂൾ 100 പോയേൻറാടെ ഒന്നാം സ്ഥാനത്താണ്. നാട്ടുത്സവം സംഘടിപ്പിച്ചു തളിക്കുളം: യുവശക്തി ആർട്സ് ആൻഡ് സ്പോർട്സ് ക്ലബ്- വായനശാലയും, 4-ാം വാർഡ് കുടുംബശ്രീ യൂനിറ്റുകളും സംയുക്തമായി ദീപാവലി ദിനത്തിൽ നാട്ടുത്സവം സംഘടിപ്പിച്ചു. തളിക്കുളം ഗ്രാമപഞ്ചായത്ത് പ്രസിഡൻറ് കെ.കെ. രജനി അധ്യക്ഷത വഹിച്ചു. പുരോഗമന കലാസാഹിത്യസംഘം ജില്ല സെക്രട്ടറി എം.എൻ. വിനയകുമാർ ഉദ്ഘാടനം ചെയ്തു. ഗാനരചയിതാവ് ഏങ്ങണ്ടിയൂർ ചന്ദ്രശേഖരൻ മുഖ്യാതിഥിയായി. എം.ബി.ബി.എസ് പാസായ വി.എ. ശ്രീരേഖയെ അനുമോദിച്ചു. എസ്.ഐ എം.വി. ജയപ്രകാശ്, സി.ബി. ഷിബു, പി.വി. ബഷീർ, ധന്യമനോജ്, സി.വി. പ്രകാശൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.