ഐരാണിക്കുടി പാലത്തിൻെറ ഷട്ടറുകള് പ്രവര്ത്തിപ്പിക്കണം പന്തളം: ഐരാണിക്കുടി പാലത്തിൻെറ ഷട്ടറുകള് പ്രവര്ത് തിപ്പിക്കണമെന്ന ആവശ്യം ശക്തമായി. പാലത്തില് നിർമിച്ചിട്ടുള്ള ഷട്ടറുകള് വര്ഷങ്ങളായി പ്രവര്ത്തനരഹിതമാണ്. ഇതുമൂലം നഗരസഭ പ്രദേശങ്ങളായ മുടിയൂര്കോണം, പ്ലാവിള, ചെറുകോണത്ത്, ചേരിക്കല്, പൂഴിക്കാട്, മുളമ്പുഴ, തോട്ടക്കോണം എന്നീ പ്രദേശങ്ങളിലേക്കുള്ള നീരൊഴുക്ക് വര്ധിച്ച് കരിങ്ങാലി പാടത്തെ കാര്ഷികവിളകള് നശിക്കാന് ഇടയാകുന്നു. ഷട്ടര് പ്രവര്ത്തിപ്പിച്ചാല് വെള്ളം അച്ചന്കോവില് നദിയിലേക്ക് ഒഴുക്കിവിടാന് കഴിയും. ആലപ്പുഴ, പത്തനംതിട്ട ജില്ലകളുടെ അതിര്ത്തിയാണ് ഇവിടം. കരിങ്ങാലി പാടത്ത് വെള്ളം നിറയുന്നതുമൂലം കൃഷിക്കു മാത്രമല്ല സമീപമുള്ള വീടുകള്ക്കും ഭീഷണിയാണ്. വിവരം പലതവണ മന്ത്രിയെ ധരിപ്പിച്ചിരുന്നു. ഷട്ടര് പ്രവര്ത്തിപ്പിക്കണമെന്ന് കൗണ്സിലര്മാരായ കെ.വി. പ്രഭ, സുമേഷ്കുമാര്, കെ. സീന, സുധ ശശി, ശ്രീലേഖ, ശ്രീലത, ധന്യ ഉദയചന്ദ്രന് എന്നിവര് ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.