ചിറ്റാര്: വില്ലുന്നിപ്പാറ-നീലിപിലാവ് റോഡില് മരം വീണ് ഗതാഗതം തടസ്സപ്പെട്ടു. ബുധനാഴ്ച രാവിലെയാണ് സംഭവം. വിവരമറിഞ്ഞ് സീതത്തോട് ഫയര് സ്റ്റേഷനില്നിന്ന് ജീവനക്കാരെത്തി മരം മുറിച്ചുമാറ്റിയതിനു ശേഷമാണ് വാഹനങ്ങള്ക്കു കടന്നുപോകാനായത്. ഈ ഭാഗങ്ങളില് റോഡിന് ഇരുവശത്തെയും വനത്തിൽ നിരവധി മരങ്ങളാണ് ചുവടുദ്രവിച്ചു നില്ക്കുന്നത്. പലതും നിലംപൊത്താറായ അവസ്ഥയിലാണ്. വനം വകുപ്പിൻെറ അധീനതയിലുള്ള മരങ്ങളാണിവ. ദിവസേന നിരവധി യാത്രക്കാര് സഞ്ചരിക്കുന്ന പ്രധാന റോഡാണിത്. പലപ്പോഴും യാത്രക്കാര് തലനാരിഴക്കാണ് രക്ഷപ്പെടുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.